Суол сабылыннаҕына Аллараа Бэстээххэ бөртөлүөт көтүөҕэ

Бэҕэһээ, алтынньы 20 күнүгэр, «Полярные авиалинии» АХ хамыыһыйата
Аллараа Бэстээххэ бөртөлүөт түһэр былаһааккатын кэлэн көрдө.

— Хамыыһыйаны улууспут суол хаһаайыстыбатын салалтатын начаалынньыга Лазарь Васильев көрсөн аактаҕа илии баттаата. Өлүөнэ өрүспүт туруутугар, уу суолунан хаайтарыы кэмигэр «Полярные авиалинии» хампаанньа Ми-8 бөртөлүөтэ сыллата дьону уонна таһаҕаһы  Маҕан — Аллараа Бэстээх хайысханан таһар. Быйылгы сырыы араспысаанньата, тарыыба, өрүскэ муус туруутуттан тутулуктаах буолан, бөртөлүөт сырыыта саҕаланнаҕына биллиэҕэ, — диэн
Мэҥэ Хаҥалас улууһун дьаһалтатын пресс-сулууспата иһитиннэрдэ.