Хаартыска: СИА
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри туһаныы быраабылаларын» стандартизациялыыр ГОСТ-ка уларыйыылар олоххо киириэхтэрэ. Саҥа докумуоҥҥа этиллэринэн, Арассыыйаҕа суол саҥа бэлиэлэрэ баар буолуохтара.
«Росстандарт» урут иһитиннэрбитин курдук, бу уларыйыылар суолга куттал суох буолуутун тупсарыыга уонна уулуссаҕа суоппардар, сатыы дьон информацияны ылыналларын чэпчэтэргэ туһуланаллар.
Холобур, «Рекомендуемая скорость при проезде искусственной неровности» диэн бэлиэ киириэҕэ. Ол бэлиэ бу сиринэн төһө түргэнник барары биллэриэҕэ.
«Росстандарт» бэлиэтээбитинэн, бу саҥа бэлиэ «сытар полицейскайдар» ахсааннарын икки төгүл аҕыйатыыга көмөлөһүөҕэ.
Өссө биир саҥа уларыйыы: билигин сытыары оннугар туруору «стоп-линияны» туруоруохха сөп. «Время действия» бэлиэ билигин үлэлиир эрэ ыйдарын көрдөрүөн сөп.
Ону таһынан, «Глухие» диэн бэлиэ эбиллибит; истибэт уонна мөлтөхтүк истэр дьон элбэхтик сылдьар эбийиэктэрин аттыгар баар, сатыы дьон суолу туоруур сирдэрин иннигэр туруоруллуоҕа.
«Парковка» диэн бэлиэ аны массыынаны туруорар ньыма туһунан эбии информацияны биэриэҕэ. «Росстандарт» бу уларыйыы массыынаны туруорар сирдэргэ эбии бэлиэлэр ахсааннарын икки төгүл аҕыйатыаҕа диэн эттэ.
Саҥа уларыйыыларга суол кытыытыгар массыыналары кэккэлэһэ туруорар түгэҥҥэ, массыынаны туруорар миэстэ кэтитин уларытыы эмиэ киирэр. 2,5 миэтэрэ оннугар билигин 2,25 миэтэрэ буолуоҕа.
Госдуума дьокутаата Павел Федяев бу иннинэ ТАСС-ка быһаарбытынан, бу суол иэнин оптимизациялааһынтан тахсар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…