Суол сиҥниитинэн сибээстээн «Лена» айан суола сабылынна

«Лена» айан суолун управлениета  иһитиннэрбитинэн, «Лена» федеральнай айан суолун 39-тан 160-с килэмиэтиргэ диэри бары тырааныспар көрүҥэр сырыы тохтотулунна.

Амур уобалаһыгар Тында уонна Соловьевскай икки ардыларыгар бэҕэһээ 360 «Лена» федеральнай айан суолун 78-с килэмиэтиригэр Олдьоҕор үрэҕи аһарар турба үрдүнэн ааһар сир араҥата сиҥнэн массыыналар хаайтарбыттара.

Барыллаан быһаарыынан, айан суола атырдьах ыйын 9 күнүгэр 10:00 ч. аһыллыаҕа.

«Лена» федеральнай айан суолугар ыксаллаах быһыы-майгы үөскээтэҕинэ быыһыыр сулууспаҕа 112 эбэтэр «Лена» айан суолун управлениета суһал дьуһуурунай төлөпүөнүгэр эрийиэххитин сөп: +7(41145) 31218; +79241731218.