Хаартыска: Саха сиринээҕи массыына суолларын управлениетын пресс-сулууспата
Саха сиригэр «Куттала суох уонна хаачыстыбалаах суоллар» национальнай бырайыак чэрчитинэн суол тутааччылара олоххо киирэр кэккэ эбийиэктэри болдьоҕун иннинэ үлэҕэ киллэриэхтэрэ. Бу туһунан Саха сиринээҕи массыына суолларын управлениетын пресс-сулууспата иһитиннэрдэ.
Тырааныспар уонна суол хаһаайыстыбатын миниистирин бастакы солбуйааччы Анатолий Потапов бэлиэтээбитинэн, билигин Ил Дархан сорудаҕынан Амма уонна Мэҥэ Хаҥалас улуустарыгар эрэгийиэннээҕи суол учаастактарыгар аспаал бетонун кутуу өрөмүөнүн үлэтэ барар. Суол уһуна — 17,2 км. Национальнай бырайыак эбийиэктэригэр үлэ хаалыыта суох ыытыллар.
Быйыл «Амма» айан суолун тутуутун «Мегинские автомагистрали» ХЭУо кыраапыгынан былааннаахтык эбэһээтэлистибэлэрин толороллор. «РИК Автодор» АУо бетон аспаалын собуотун туруоруутун бүтэрбит, билигин собуоту холбуур үлэлэр ыытыллаллар уонна сотору кэминэн аспаал бетонун оҥоруута саҕаланыаҕа. «МКАД» ХЭУо эмиэ эбийиэги болдьоҕун иннинэ туттарарын туһунан эрэннэрдэ. «ИП Кривошапкин» «Бөтүҥ» айан суол эбийиэгин болдьоҕун иннинэ туттарар былааннаах. Маны таһынан Мэҥэ Хаҥаласка национальнай бырайыак чэрчитинэн суолу саҥардыы үлэлэрэ саҕаланнылар, ол түмүгэр эһиил Майа сэлиэнньэтигэр «Мүрү»учаастагар (3 км) уонна Бөкө (0,7 км) суолу аспааллан туттарыахтара.
Мэҥэ Хаҥалас улууһугар Аллараа Бэстээх сэлиэнньэтигэр учаастактааҕы балыыһа үөрүүлээх аһыллыыта буолла. 1200 кв. миэтэрэттэн тахса…
Амма улууһун Олом Күөлүн эргин ардай аһыылаах бөрөлөр баалларын туһунан “Наахара” бааһынай хаһаайыстыбатын баһылыга Егор…
Хаҥалас улууһугар дьахтар бииргэ олорор эр киһитин быһаҕынан анньан эчэтэн, холуобунай дьыала тэрилиннэ. Биир сарсыарда…
Өксөкүлээх Өлөксөй аатынан Норуоттар доҕордоһууларын дьиэтигэр «НовоГОДний лабиринт МультиВСЕленной» диэн оҕо тыйаатырын туруоруутун көрдөрдүлэр. Манна…
Ааһан эрэр 2025 сылы туһанааччылар иэһэ суох түмүктүүллэрин туһугар “СӨ ОДьКХ” ГУП Саҥа дьылы көрсө…
Дьокуускайга улахан суумалаах харчыны сүтэрбит киһиэхэ көмөлөстүлэр. Биир киһи харчыны булан баран, полицейскайдарга тыллаан, хаһаайынын…