Суола-ииһэ суох сирдэргэ «Снегоболотоход» сылдьыа

Саас-күһүн, угут дьыл буолла даҕаны сорох нэһилиэктэр олохтоохторо сырыы суох буолан улаханнык эрэйдэнэллэр. Горнай улууһун Маалтааны нэһилиэгэ эмиэ уустук суоллах-иистээх буолан, эмиэ эрэйи көрсөр.

Онон Маалтааны нэһилиэгин олохтоохторо туруорсаннар, Горнай улууһун дьаһалтата аукцион ыытан, «СеверТрак» ХЭУо тэрилтэттэн «Снегоболотоход» вездеход ылбыта.

Бу туһунан Горнай улууһун дьаһалтатын пресс-сулууспата иһитиннэрэр.

Бүгүн, атырдьах ыйын 7 күнүгэр, Красноярскай куораттан тиэхиньикэ Горнай улууһугар тиэйиллэн кэллэ. Онон Орто-Сурт – Кэптин муниципальнай суолунан дьон-сэргэ харгыһа суох айанныыр, таһаҕаһы тиэрдэр буолуохтара.