Суола-ииһэ суох ыраах сирдэргэ бастакы быыбардааччылар куоластаатылар

Бу туһунан Киин быыбардыыр хамыыһыйаҕа Өлөөннөөҕү ТИК чилиэнэ Екатерина Николаева иһитиннэрдэ.

2025 сыл атырдьах ыйын 26 күнүгэр «Оленекскай» МУП ыстаадаларыгар болдьоҕун иннинэ куоластааһын буолла. 40 табаһыт «Өлөөн эбэҥки национальнай улууһа» МО баһылыгын быыбарыгар куоластаатылар. Куоластааһыны УИК 486 чилиэннэрэ (бэрэссэдээтэл Николаева Наталья Ревориевна, Кирбэй нэһилиэгэ) ыыттылар. УИК чилиэннэрэ ыстаадаҕа бөртөлүөтүнэн тиийдилэр. Ыстаада үлэһиттэрэ быыбары тэрийээччилэри өрүү үөрэ көрсөллөр, диэн суруйар Киин быыбардыыр хамыыһыйа ТГ-ханаала.