Тохсунньу 20 күнүгэр киэһэ ДПС ыстаарсай иниспиэктэрэ, полиция ыстаарсай лейтенана Айаал Тулааһынап сынньалаҥын кэмигэр Мэҥэ Хаҥалас улууһун Аллараа Бэстээх бөһүөлэгэр Эргиэн дьиэтигэр сылдьыбыта. Онно реклама-полиграфия хампаанньатын хаһаайкатыттан кини кэргэнэ суолга ыарахан балаһыанньаҕа түбэспитин билбитэ.
Дьахтар кэпсээбитинэн, Майа сэлиэнньэтигэр микроавтобус айанныы сылдьан генератора алдьаммыт, онон массыына 55 кыраадыстаах тымныыга умуллан хаалбыт. Кэргэнниилэр чаас аҥарын быһа бэйэлэрэ автосервис көрдөөбүттэрэ түмүгэ суох буолбут. Айаал Тулааһынап бу туһунан суһаллык полиция улуустааҕы отделын дьуһуурунай чааһыгар биллэрбит.
Полиция младшай лейтенаннара Дьулустаан Иванов уонна Ян Тоскин састааптаах суол-патруль сулууспата массыына тохтообут сиригэр кэлбит. Полицейскайдар автосервис буланнар, умуллубут массыынаны өрөмүөннэтэ сылаас боксаҕа киллэрбиттэр.
Бу дьиэ кэргэн автоинспектордарга кэмигэр оҥоһуллубут көмөлөрүн иһин махтаннылар уонна полицейскайдар ыарахан балаһыанньаҕа түбэспит хас биирдии киһиэхэ кэлэллэрин астына бэлиэтээтилэр.
Онтон тохсунньу 21 күнүгэр Госавтоинспекция үлэһиттэрэ Таатта улууһун суоппарыгар көмөлөстүлэр. Полиция ыстаарсай лейтенаннара Павел Михайлов, Владислав Дьячковскай, полиция лейтенаннара Уйусхан Павлов уонна Денис Петров киэһэ 7 чаас саҕана «Халыма» федеральнай суол 234-с килэмиэтиригэр тумаҥҥа суол тоҕойугар саахалы биллэрэр уота умайар массыынаны көрө түспүттэр.
Иниспиэктэрдэр быһаарбыттарынан, 60 саастаах суоппар сылгыларын аһатан баран төннөн испит. Тымныыттан сылтаан кини массыынатын көлүөһэтэ тэстибит. Эр киһи кэпсээбитинэн, доҕорун кытары сибээстэһэн, саппаас чааһын аҕалан иһэр эбит. Полицейскайдар көмөҕө иһэр киһини күүтэн баран, кырдьаҕас дьоҥҥо көлүөһэлэрин уларыталларыгар көмөлөспүттэр уонна салҕыы сулууспаларыгар барбыттар.
Бу күннэргэ Саха сиригэр тымныы күннэр тураллар. Госавтоинспекция үлэһиттэрэ күн аайы өрөспүүбүлүкэ суолларын хонтуруоллууллар, суолга куттал суох буоларын хааччыйаллар уонна суолга ыарахан балаһыанньаҕа түбэспит массыыналаахтарга көмөлөһөллөр.
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан…