Суолга 3000 лиитирэ сэлээркэ тохтубут

Алдан оройуонугар сэлээркэ тиэйэн испит цистернэлээх массыына түҥнэстибит. Бу быһылааны, ол иһигэр экологияҕа хоромньу таһаарыы түгэнин Алдан улууһун борокуратуурата бэрэбиэркэлиир. 

“Лена” федеральнай суол 786-с км-гэр «ENXIN SHIYE» цистернаны соһон испит “SHAANXI” улахан массыына түҥнэстибит, саахал буолбут сиригэр быһа барыллаан 3000 лиитирэ кэриҥэ дизельнэй уматык сиргэ тохтубут. Туохтан түҥнэстии тахсыбытын, хоромньу кээмэйин борокуратуура исписэлиистэрэ быһаара сылдьаллар. Бу туһунан Саха сирин борокуратуурата биллэрэр.