Хаартыска: Альбина Ноговицына тиксэриитэ.
Ааспыт өрөбүллэргэ Кэбээйи сэлиэнньэтигэр киэҥ Малыыда эбэҕэ «Сылгыһыт күнэ-2025» улуустааҕы тэрээһин буолан ааста.
Манна Чагда, Баҕадьа уонна Кэбээйи нэһилиэгин сылгыһыттара кыттыыны ыллылар. Тэрээһин чэрчитинэн сылгыһыттар параадтара, күрэхтэһиилэрэ, ат сүүрдүүтэ буолла. Чагдаттан икки аты илдьэн күрэхтэһиигэ кытыннардыбыт. Назир Карасартов сүүрдүбүт ата биэтэккэ бастакынан кэлэн, сыаналаах бирииһинэн наҕараадаланна.
Нөҥүө күнүгэр нэһилиэкпит сүүмэрдэммит хамаандата Тыайа нэһилиэгэр байыаннай дьайыы кыттыылааҕа Геннадий Алексеевич Попов сырдык аатыгар остуол тенниһигэр биирдиилээн уонна хамаанданан бастыыр иһин күрэхтэһиигэ кытынна. Хамаанданан биир очукуо тиийбэккэ төрдүс миэстэ буоллулар. Дьахталларга Васильева Е.Д — 1 миэстэни, эр дьоҥҥо Ноговицын И.Е — 3 миэстэни, ыччаттарга Игнатьев Д.Н — 2 миэстэни, Эверстов И.И — 3 миэстэни уонна Атласов А.А- 3 миэстэни ыллылар. «Теннис спордун бэтэрээнэ» диэн Эверстова М.И анал бирииһи — телевизоры, Ноговицын И.Е «Учур» маҕаһыынтан сертификат туттулар.
“Дыгын оонньуулара” үбүлүөйдээх күрэхтэһии аны сайын Үс Хатыҥ ыһыаҕар ыытыллыахтаах. Онно сүүмэрдиир күрэхтэһиилэр буолан аастылар. Кэбээйи улууһуттан 3 боотур кыттар путевканы ылан, улуустарын спортивнай чиэһин көмүскүөхтэрэ. Манна Чагдаттан атахха спорт маастара Яков Дмитриев Чурапчыга сүүмэрдиир күрэхтэһиигэ иккис миэстэ буолан, “Дыгын оонньууларын” үс төгүллээх чөмпүйүөнэ Иннокентий Макаров туруорбут бирииһин ылан, убаһа хаһаайынынан буолла.
Чагда спортсменнара нэһилиэктэрин аатын элбэх түһүлгэҕэ киэҥник ааттаттылар, кинилэргэ өссө да ситиһиилэр кэлэ туралларыгар баҕарабыт!
Альбина Ноговицына
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…