Суолу туораан иһэр киһини түҥнэри көттүлэр

Ааспыт сууккаҕа өрөспүүбүлүкэ үрдүнэн 10 суол быһылаана тахсыбытыттан, биэһэ киин куоракка бэлиэтэммит. Бу туһунан куорат Госавтоиниспиэксийэтэ иһитиннэрэр.

Нам оройуонугар массыына түҥнэстэн, 4 киһи араас эчэйиини ылбыт, биир киһи суорума суолламмыт.

Дьокуускайга куоракка 16 чаас саҕана  Лермонтов — Каландаришвили уулуссалар быһа охсуһууларыгар   Тойота Королла массыына суоппара хаҥас өттүгэр эргииргэ утары иһэр  Тойота Хайс массыынаны аһардыбатах.
Саахал түмүгэр  Тойота Королла массыына 9 саастаах пассажира эчэйиини ылбыт.

Киэһэ 20 чаас саҕана Лермонтов — Короленко  уулуссаҕа суолу туорааһыҥҥа 20 саастаах   Тойота Витц суоппара  Курашов уул. өттүттэн айаннаан иһэн,  60 саастаах киһини  түҥнэри көппүт (светофор кыһыл  уота тыган турдаҕына туораан испит).