СИА хаартыската
Госдуумаҕа эмис дьон спортивнай саалаҕа дьарыктаналларыгар чэпчэтии оҥорор туһунан этии киллэрдилэр. Бу көҕүлээһини Госдуума спорка кэмитиэтин бэрэссэдээтэлин солбуйааччы Амир Хамитов киллэрдэ диэн «РИА-Новости» суруйар.
—— Уойуу диэн биһиги кэммит сытыы кыһалҕата улаатан иһэр чинчилээх. Сыыһа аһыыртан уонна хамсаммакка, олорон тахсартан элбэх киһи уойар, бу доруобуйаларыгар охсор. Уойууттан элбэх ыарыы үөскүүрүн үгүстэр билбэттэр. Оттон эмис дьоҥҥо спортивнай саалаҕа абонемент атыылаһалларыгар чэпчэтии оҥоһуллара буоллар, кинилэр дьарыктана барыах этилэр, — диэн Хамитов этэр.
Бу иннинэ доруобуйа харыстабылын миниистирэ Михаил Мурашко Арассыыйа нэһилиэнньэтин чиэппэрэ уойуулаах диэн этэн турар. Ол эбэтэр, министиэристибэ дааннайынан, эр дьон 20,6%-ра, дьахталлар 27,4%-ра эмистэр.
Хамитов этэринэн, спортивнай саалаҕа абонемент сыаната ыарахан. Эмис киһи поликлиникаттан ыспыраапка ылан баран, спортивнай саалаҕа баран, абонемент атыылаһарыгар чэпчэтии ылыан сөп. Чэпчэтии кээмэйэ уойуу истиэпэниттэн тутулуктанан, улаатыан-кыччыан сөп. Чэпчэтии кээмэйин спорт тэрилтэтэ бэйэтэ олохтуон сөп.
— Мин көҕүлээһиним дьоҥҥо көмөлөһөр сыаллаах. Спордунан дьарыктаныы доруобуйаҕа олус туһалаах. Эмис киһи спордунан дьарыктанарын ыарырҕатар, сүрэҕэлдьиир, араас сылтах була сатыыр. Чэпчэтии оҥорон, киниэхэ көмөлөһүөхтэрин баҕаралларын өйдөөтөҕүнэ, кини чөл олоҕу тутуһан, бэйэтин доруобуйатыгар эппиэтинэстээхтик сыһыаннаһыан сөп, — диэн кини этэр.
Санатар буоллахха, спордунан дьарыктаныы иһин нолуоктан көҕүрэтии (налоговый вычет) эмиэ көрүллэр. Сыллааҕы төлөммүт сууматтан 13%-на төннөрүллэр.
Булуҥ улууһун Тиксии бөһүөлэгэр ахсынньы 24 күнүгэр буурҕа түспүтүнэн сибээстээн оскуолаларга, оҕо уһуйааннарыгар үөрэх тохтотулунна.…
Сунтаар улууһугар итирик туруктаах уруулга иккиһин олорбут олохтоох дьахтарга суут бириигэбэрин таһаарда. Дьахтар ити иннинэ…
Биэнсийэни анааһыҥҥа ийэлэр бары оҕолорун көрбүт кэмнэрин ахсаанынан хааччахтааһына суох учуоттуур буолуохтара. Бу хос ааҕыы…
Саха сиригэр суукка иһигэр 3 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.…
Бүгүн, ахсынньы 24 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Күн астрономиятын лабораторията ахсынньы 24 күнүнээҕи геомагнитнай хамсааһын сабаҕалааһынын таһаарда. Лаборатория дааннайдарынан, ахсынньы 24 күнэ…