Суоппар быраабыгар тэйиччиттэн үөрэнии киирэр

2026 сыл кулун тутар 1 күнүттэн Арассыыйа олохтоохторо суоппар быраабыгар тэйиччиттэн олорон үөрэнэр кыахтаннылар.

Автооскуолаларга  ирдэнэр теорияны маннык көрүҥүнэн үөрэтэллэрин көҥүллээтилэр диэн РИА Новости туһааннаах докумуоҥҥа сигэнэн иһитиннэрэр.

Ол гынан баран, автооскуола уруккулуу үөрэтэр эмиэ бырааптаах. Ону тэҥэ саҥа категорияны ылар судургутуйда: урут барбыт куурускун хаттаан үөрэтэриҥ наадата суох, эбии киирэр модуллары эрэ үөрэтэҕин.

“В” категорияҕа үөрэнээччилэргэ массыынаны ыытар чаастарын 38-тан 42-гэ диэри эбэн биэрдилэр.