Суоппар ГИБДД ыстараабын төлөөбөтөҕүнэн 450 чаастаах үлэҕэ тардылынна

Дьокуускай куорат 22 саастаах олохтооҕо ГИБДД сулууспатыгар 15 ыстарабын төлөөбөккө административнай эппиэтинэскэ тардылынна.

Саха сиринээҕи суут бииристэптэрин управлениетыгар суол быраабылатын кэһиллитэ тахсыбытын туһунан 15 докумуон киирбит, олортон сүрүн өттө светофор кыһыл уотугар айаннаабыт. Быраабы араҥаччылыыр үлэһиттэрэ 22 саастаах, ханна да үлэлээбэт, Дьокуускай олохтооҕун туппуттар. Эдэр уол биир да ыстараабы төлөөбөтөх.

Административнай дьыаланы дьүүллэһии түмүгүнэн суут эдэр уолу буруйдааҕынан аахта уонна боротокуол хас биирдиитигэр 30 чаастаах эбэһээтилинэй үлэни аныырга быһаарда. Уопсайа буруйдаах булгуччулаах 450 чаас үлэни толоруохтаах.