Суоппардар болҕомтолоох буолуҥ!

Бэҕэһээ, олунньу 1 күнүгэр, “03” оператора Госавтоиниспиэксийэ дьуһуурунай чааһыгар суол быһылааныгар эчэйбит 17 саастаах кыыс бэйэтэ кэлбитин туһунан иһитиннэрбит.

Ол курдук, “Нам” массыына суолун 13 км сатыы киһи туоруур сиригэр 37 саастаах суоппар “Toyota Voxy” массыынатынан 17 саастаах кыыһы түҥнэри көппүтэ быһаарыллыбыт. Быһылааны таһаарбыт киһи суоппар дастабырыанньалаах. ГИБДД федеральнай баазатыгар баар чахчынан, кини сыл устата биир төгүл административнай эппиэтинэскэ тардыллыбыт. Ол эрээри бу тахсыбыт быһылаан кэмигэр арыгы испэтэҕэ быһаарыллыбыт.

Онон суол быһылааннара аччаабатынан сибээстээн, Госавтоиниспиэксийэ суоппардары cэрэхтээх  уонна эппиэтинэстээх буолалларыгар ыҥырар.

ykt.crim иһитиннэриитинэн