Андрей Сорокин, ЯСИА
Дойду үрдүнэн суол бэлиэлэрин туһаныыга саҥа уларыйыылар 2026 сыл тохсунньу 1 күнүттэн күүстэригэр киириэхтэрэ. Бу икки сүрүн ГОСТ саҥардыллыбытынан сибээстээх. Бу туһунан ТАСС-ка О.Е. Кутафин аатынан Москватааҕы судаарыстыбаннай юридическай университет Л. Л. Попов аатынан административнай быраап уонна бырассыас кафедратын ассистена Тургунбой Зокиров кэпсээтэ.
«Ордук суолталаах уларыйыылартан биирдэстэрэ — хас биирдии хайысхаҕа биирдии балаһалаах суолларга, суол саахала элбэхтик тахсар сирдэригэр уонна кутталлаах учаастактарга саахалы сэрэтэр сыалтан, «Түргэни муҥутуурдук хааччахтааһын» бэлиэни хатылаан туруорар көҥүллэнэр», — диэн Зокиров бэлиэтээтэ.
Өссө биир саҥардыы «сытар полицейскайдар» аттыларыгар турар бэлиэлэргэ сыһыаннаах. Эспиэр этэринэн, билигин нэһилиэнньэлээх пууннарга, өскөтүн «Оҥоһуу мэһэйи ааһарга сүбэлэнэр түргэн» диэн саҥа бэлиэ турбут буоллаҕына, «Оҥоһуу мэһэй» диэн сэрэтэр бэлиэни туруорбат буолуохха сөп (бу бэлиэ үөһээ өттүгэр сүбэлэнэр түргэн көстөр күөх квадраттаах, оттон аллараа өттүгэр оҥоһуу мэһэй бэлиэтэ ойууламмыт маҕан көнө муннук быһыылаах).
Бу уонна да атын уларыйыылар тохсунньу 1 күнүттэн саҥардыллыбыт Р 52289-2019 «Суол бэлиэлэрин, сурааһыннарын, светофордарын, суол күрдьүктэрин уонна ыйар-кэрдэр тэриллэрин туһаныы быраабылалара» ГОСТ-ка көрүлүннүлэр.
2026 сылтан күүһүгэр киирэр өссө биир ыстандаартынан 2006 сылтан үлэлиир ГОСТ оннугар Р 52290-2024 «Суол бэлиэлэрэ. Уопсай тэхиниичэскэй ирдэбиллэр» ГОСТ буолар. Бу докумуон бэлиэлэри оҥоруу хаачыстыбатыгар ирдэбиллэри саҥардар. Зокиров быһаарбытынан, саҥа ГОСТ-ка, чуолаан, бэлиэни сыһыарар чаастара туруорар кэмҥэ бэлиэ сирэйин алдьаппат буолуохтаахтара ыйыллар. Ону таһынан, бэлиэлэри тиэйэн аҕалыы комплектациятыгар чопчу ирдэбиллэр киллэриллэллэр.
«Эргэ да, саҥа да ГОСТ суол бэлиэлэрин оҥорууну уонна кинилэргэ сөптөөх информацияны киллэриини сааһылыырга аналлаахтар. ГОСТ массыына ыытааччылар уонна сатыы дьон интэриэстэригэр эмиэ туһаныллар, тоҕо диэтэххэ кини көмөтүнэн суол бэлиэлэрин хаачыстыбата хааччыллар, оттон ол — суолга куттал суох буолуутун биир сүрүн усулуобуйата», — диэн Зокиров бэлиэтээтэ.
Үрдүк категориялаах фтизиатр-быраас, мэдиссиинэ билимин дуоктара, суруйааччылар холбоһуктарын чилиэнэ Валериан Парфеньевич Николаев 1951 сыллаахха олунньу…
Саха сиригэр олунньу ый нуорматтан сылаас буолуо диэн сабаҕаланар, ол гынан ый бастакы аҥаарыгар сорох…
Бүгүн, олунньу 3 күнүгэр, Үөһээ Халыма улууһугар бырабыыталыстыба отчуота саҕаланна. Оробуочай бөлөҕү Саха Өрөспүүбүлүкэтин Сыана…
Ислам салафиттыы радикаллыы хайысхатын тутуһар буруйданааччы, интэриниэккэ аан дойдутааҕы террористическай тэрилтэлэр үлэлэрин пропагандалаабыт. Саха сиринээҕи…
Гаас билиитэлэрэ, колонкалара уонна хочуоллара эмиэ туспа болдьохтоохтор. Ханнык баҕарар тэрил курдук түргэнник эргэрэллэр уонна…
Бу сыл тохсунньу саҥатыгар Ньурба улууһун Сүлэ сэлиэнньэтигэр Саҥа дьыллааҕы бырааһынньыктарга киһини өлөрүү түбэлтэтэ тахсыбыта.…