Суоппардар мэдиссиинэ ыспыраапкатын электроннай көрүҥүнэн туттарыахтара

Суоппардарга мэдиссиинэ ыспараапкаларыгар сыһыаннаах саҥа уларыйыылар олоххо киирэллэр.

Бэс ыйын 13 күнүттэн кумааҕы мэдиссиинэ ыспыраапкатын биэрии тохтотуллар. Бу суоппар быраабын ылар дьону барытын таарыйар. Холобур, ГИБДД-га тиийэр былаанныыр буоллаххытына, мэдиссиинэ ыспыраапкатын илдьэ сылдьар ирдэммэт. ГИБДД тиһигэ доруобуйаҕыт туһунан дааннайдары автоматическайдык бааза нөҥүө бэрэбиэркэлиэҕэ. Бу дьаһал суоппар быраабын ылары түргэтэтиэҕэ.

Бу кэмтэн ыла мэдиссиинэ көрүүлэрэ электроннайдык суруллар. Терапевт эбэтэр нарколог түмүгү Доруобуйа харыстабылын тиһигэр ыытар. ГАИ үлэһиттэрэ бу дааннайдары автоматическайдык көрүөхтэрэ. Манна суругунан сөбүлэҥи илии баттаан бигэргэтиэххэ эрэ наада. Бу туһунан АИФ суруйар.