Суоппары гидравлическай үнүстүрүмүөн  көмөтүнэн таһаардылар

Бөлүүн Дьокуускай куоракка Можайскай  уулуссаҕа суол быһылаана таҕыста.

Ол түмүгэр массыына илин өттө тоҕо анньыллан, суоппары быыһааччылар көмөлөрүнэн массыынаттан таһаардылар.

Суһал иһитиннэрии СӨ Быыһыыр сулууспатыгар  02.08 ч. киирбитин кэннэ,   Тит Алексеев ыстаарсайдаах быыһааччылар бөлөхтөрө быһылаан тахсыбыт сиригэр барбыттар.

Үлтү хампарыйбыт массыынаттан суоппары гидравлическай үнүстүрүмүөн  көмөтүнэн орообуттар.
Дьахтары ол кэннэ  Суһал көмө быраастарыгар туттарбыттар.