Салгыы
Суордаах нэһилиэгэр — саха ынаҕа

Суордаах нэһилиэгэр — саха ынаҕа

02.05.2024, 10:59
Хаартыскалар: В.Стручков ыытта
Бөлөххө киир:

Дьааҥы улууһун уһук сытар Суордаах нэһилиэгэр сүөһү иитиитигэр улахан болҕомто уураллар. Ол курдук, быйыл саас СӨ Тыа хаһаайыстыбатын министиэристибэтэ Дьааҥы улууһугар Сылгыһыттар өрөспүүбүлүкэтээҕи күрэхтэһиилэрин тэрийбитэ. Онно өрөспүүбүлүкэ тыатын хаһаайыстыбатын уонна аска-үөлгэ бэлиитикэтин  миниистирэ А.Александров  кэлбитинэн сибээстээн, суордаахтар сүбэ мунньахха саха сүөһүтүн иитэр баҕалаахтарын туһунан туруорсубуттара.

Нэһилиэк олохтооҕо, пиэрмэр Дмитрий Горохов 2021 с. ынах сүөһү иитиинэн дьарыктанар.

Кини  олохтоох дьаhалтаны кытта үлэлэhэн, 25 саха сүөһүтүн  Эбээн-Бытантай улууһун Саккырыыр нэһилиэгиттэн атыылаһан  ииттэр буолла.

Бу үтүө саҕалааһын туhунан “Суордаах нэhилиэгэ” муниципальнай тэриллии баһылыга Владимир Стручков “Саха сирэ” саайтыгар маннык кэпсээтэ:

Бааhынай хаhаайыстыба салайааччыта Дмитрий Дмитриевич Горохов “Саха сүөһүтэ”   тэрилтэттэн  25 сүөhүнү — 10 ынаҕы уонна 15 торбоhу  ыларга 1 мөл.  суумалаах  дуогабар түhэристэ. Маныаха  50% ол эбэтэр  800 000  солкуобай үбүнэн-харчынан көмөлөспүт  “Дьааҥы улууhа” муниципальнай тэриллиигэ, чуолаан, баһылык Владислав Михайлович Ивановка уонна улуус тыатын хаhаайыстыбатын салайааччытыгар  Кэскил Степановна Ефимоваҕа нэһилиэк аатыттан истиҥ махталбытын тиэрдэбит.

Бу атыылаһыыга 200 тыhыынчаны пиэрмэр бэйэтэ уйунна.  Суордаах нэһилиэгин дьаhалтата муниципальнай тус сыаллаах   бырагырааманан хаалбыт 600 тыh. солкуобай харчыны төлүүрүгэр көмөлөһүөҕэ.

Онон, Дулҕалаах үрэҕин уҥуор, Суордаах нэhилэгиттэн аллараа 20 килэмиэтирдээх Хатыҥнаах учаастагар саха сүөһүлэрэ Эбээн-Бытантай улууhуттан  этэҥҥэ тиэллэн кэллилэр. Урбаанньыт “ИП Иванова С. П.” 350 тыh.  солк.  Саккырыыр курдук ыраах сиртэн Хатыҥнаахха диэри аҕалыытын хааччыйбыт, ынахтары суоппар Маман Николаевич Иванов бэрт үчүгэйдик  тиэйэн аҕалбыт.

Тиэллэн кэлбит ынахтар туруктара үчүгэй. Саха сүөһүлэрэ  Хатыҥнаах быйаҥнаах сиригэр  хороҕор муостаахтары үксэтиэхтэрэ.

Дмитрий Дмитриевич курдук  сүөhүнү иитээччилэр  нэhилиэнньэ ас-үөл өттүнэн куттала суох буолуутун хааччыйаллар.

“Саха ынаҕа” тэрилтэ тыа сиригэр саха ынаҕын тэнитэрэ кэскиллээх.

Өрөспүүбүлүкэ Ил Дархана Айсен Николаев  2024 сылга саха боруодатын ыанар ынаҕын ахсаанын 1000 тириэрдиэхтээхпит диэн туруорбут соруга олоххо тэтимнээхтик киирэригэр Суордаах пиэрмэрэ Д.Горохов эмиэ бэйэтин сэмэй кылаатын киллэриэҕэ.

+1
2
+1
1
+1
0
+1
0
+1
0
+1
0
+1
0
Бары сонуннар
Салгыы
15 июня
  • 21°C
  • Ощущается: 20°Влажность: 49% Скорость ветра: 2 м/с

Сообщить об опечатке

Текст, который будет отправлен нашим редакторам: