Суотабай төлөпүөнү, тэлэбиисэри уорбуттар…

Ааспыт сууккаҕа туох быһылаан тахсыбытын туһунан дьуһуурунай борокуруор иһитиннэрэр.

Ааспыт суукка иһигэр өрөспүүбүлүкэҕэ буруйу оҥоруу туһунан 8 иһитиннэрии киирбит. Борокуратуура бу буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга тутар.

Дьокуускайга уонна Нерюнгригэ уоруу түбэлтэлэрэ тахсыбыттарын туһунан иһитиннэрбиттэр. Ол иһигэр суотабай төлөпүөнү, тэлэбиисэри, харчыны уорбуттар. Майа сэлиэнньэтигэр мэдиссиинэ үлэһититтэн, Биэнсийэ пуондатыттан эрийэбит диэн албыннаан, 80 тыһыынча солкуобайын уорбуттар.

Чурапчы улууһугар массыынаны уоран барбыттар. Дьокуускайга наркотигынан сокуоннайа суох эргинии, массыынаны итирик туруктаах ыытыы түбэлтэлэрэ тахсыбыт.

Киһи өлүүлээх суол-иис саахала тахсыбатах. Итирик туруктаах массыынаны ыыта сылдьар 4 киһи тутулунна диэн СӨ борокуратууратын пресс-сулууспата иһитиннэрэр.