Суотабайы сойботон тутуллубут

Үөһээ Бүлүү улууһугар полиция дьуһуурунай чааһыгар эр киһи сэттэ тыһ. кэриҥэ суумалаах суотабайын уордарбытын туһунан сайабылыанньа суруйбут.

Холуобунай ирдэбил үлэһиттэрэ суһал-ирдиир үлэлэрин түмүгүнэн, 47 саастаах олохтоох дьахтар суотабайы сойботон ылбыта биллибит. Быһаарыллыбытынан, эмсэҕэлээччи билэр дьахтарын дьиэтигэр ыҥырбыт. Арыгылаабыттар. Дьиэлээх хаһаайын утуйбутун кэнниттэн, бу дьахтар суотабайы уорбут уонна атыылаабыт. Харчынан арыгы атыыласпыт.

Уоруллубут ылыллыбыт. РФ ХК 158 ыст. 2 ч. («Уоруу») холуобунай дьыала тэриллибит.

СӨ ИДьМ пресс-сулууспата