Уус Алдан Суотту орто оскуолата быйылгы үөрэх дьылыгар саҥа бириэмэ ирдэбилигэр сөп түбэһиннэрэн, агротехнологическай хайысханы сайыннарар сыалтан, эрдэттэн былааннаан, оскуола иһинэн аһыллан үлэлии олорор цифровой хайысхалаах «Точка роста» үөрэхтээһин киинин үлэтин кытта дьүөрэлии тутан, саҥа «АгроНУЛ» үөрэх киинин арыйда.
Бу киин сүрүн сыала — тыа сирин оскуолатыгар бэйэ кыаҕынан оҕолорго саҥа технологиялары наука төрүттэригэр олоҕуран билиһиннэрии, практическай хабааннаах үлэни тэрийии буолар
Ол чэрчитинэн, бу күннэргэ, биир бастакынан биотехнология хайысхатынан гидропоника «Сити-фермерство» лабораторията үлэтин саҕалаан, төгүрүк сыл устата «Мальго» диэн улахан астаах дьэдьэн сордун олордон, бастакы үүнүүнү ылары ситистэ.
Бырайыак ааптарынан робототехника куруһуок салайааччыта Николай КОТОКОНОВ буолар. «АгроНУЛ» киин иһинэн өссө агрономия, ветеринария, химическай анаалыс лабораториялара үлэлэрин саҕалаатылар. Манна «Вита» естественнай предметтэр учууталлара Евгения ГОГОЛЕВА, Вероника БУБЯКИНА, Евдокия ПРИБЫЛЫХ, производственнай үөрэхтээһин маастардара Варвара РУМЯНЦЕВА, Сардана АЛЕКСЕЕВА уонна оскуола «Кэскил» ТХПК үлэһитэ Леля ГОГОЛЕВА үөрэнээччилэри кытта тэҥҥэ чинчийэр-үөрэтэр, кэтээн көрөр үлэлэри ыыталлар, «WorldSkills» компетенцияларын баһылыыллар.
Саҥа арыллыбыт киин үлэтэ кэҥээн, оҕону үөрэххэ интэриэһин тардар, инники ылар идэтин таларыгар көмөлөөх буолуо диэн эрэнэбит.
Ирина Михайловна ПЕТУХОВА, Суотту орто оскуолатын директора
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…