Иннокентий Попов-Оҕуруоттаах хаартыскаҕа түһэриитэ.
Олунньу 21 күнүгэр Суотту модельнай бибилэтиэкэтигэр саха норуодунай суруйааччыта, бэйиэт, суруналыыс, СӨ култууратын үтүөлээх үлэһитэ Наталья Михалева-Сайалыын көрсүһүү Суотту олохтоохторун, уран тыл сүгүрүйээччилэрин түмтэ.
Дьоһун ыалдьыт кэлэрэ эрдэттэн биллэн, сарсыарда 11 чааска «Мичээр» СК үлэһиттэрэ Устинья Борисова, Наталья Степанова сахалыы сайбаччы таҥнан, тойугунан көрсөн дьоро күн быыһын сэгэттэлэр. Тоҕуоруһа мустубут дьон саалга ыга симсэн олорон, истиҥ-иһирэх көрсүһүү аанын нэлэччи аһан, кэпсэтии тимэҕин сүөрдүлэр.
Сайаҕас кэпсэтиини Сайа олоҕуттан саҕалаан, айар үлэтин киһи иһиттэр истэ олоруох курдук кэпсээн, дьон кутун тутта. Сайа саҥарарын истэ олорон, саха тыла баайын, сүмэтэ-сүөгэйэ хойуутун илэ истэн итэҕэйэҕин. Бары даҕаны уран тыл абылаҥар ылларан, сааскы салгыҥҥа сайа оҕустаран, санаалыын сырдаан олордубут.
Сайа ырыа буолбут хоһоонноруттан «Иэйии»ансаамбыл икки ырыаны толорон,сааскы сырдык күнү түннүгүнэн сандаартылар. Аны Зоя Заровняева суолата олох даҕаны халлаанынан көтүттэ.
Сайа норуот тапталлаах бэйиэтэ буоларын,олохтоохтор кини хоһооннорун билэллэриттэн, өссө өйтөн ааҕан,бэйэтин да соһуттулар быһыылаах…
Өссө да олоруох дьону,күнүс 3 чаастан Суотту орто оскуолатыгар көрсүһүүлээх буолан,поэтесса айар үлэтигэр өссө үрдүк аартыктары дабайарыгар, тус олоҕор дьолу-соргуну баҕаран алгыспытын этэн, астынан-дуоһуйан тарҕастыбыт.
Иннокентий ПОПОВ-ОҔУРУОТТААХ.
Индексация бастакы түһүмэҕин кэмигэр бүддьүөт тэрилтэлэрин үлэһиттэрин хамнастара тута 13,2% үрдүөҕэ. Индексация быйыл икки түһүмэҕинэн…
Нам оройуонун суута «Нам улууһа» муниципальнай оройуон дьаһалтатын алта ый устата хамсаабат баай-дуол судаарыстыбаннай биир…
Дьокуускайга кулун тутар 18-21 күннэригэр Табаһыттар IV сийиэстэригэр Саха сирин 20 оройуоннарыттан дэлэгээттэр, Кытайтан, Монголияттан…
Кулун тутар 21-22 күннэригэр Мэҥэ Хаҥаласка сылгыһыттар, сылгы иитээччилэр күрэхтэрэ уонна племенной хаһаайыстыбалар быыстапкалара ыытыллыахтара.…
Сунтаар киинигэр олорбут, физкультура учууталынан ситиһиилээхтик үлэлээбит быраатым Артур Эдуардович Гермогенов сырдык аатын үйэтитэр “Мин…
Ааспыт нэдиэлэҕэ психологтар өрөспүүбүлүкэ иһигэр уонна госпиталларга баран, 1400 сайаапка киирбититтэн, 1500 кэриҥэ психологическай өҥөнү…