Михаил Немков хаартыскаҕа түһэриитэ
Суотту орто оскуолатын 10 кылааһын үөрэнээччилэрэ Москваҕа, Санкт-Петербурга баран кэллилэр. Кинилэр бу айаннара-сырыылара киэҥ хабааннаах буолла.
Күөйэ түһэн эттэххэ, үөрэхтээһин хайысхатынан оҕолор үөрэх кыһаларын баран көрөн-истэн, билсэн кэлиилэрэ үгэс курдук сыллата ыытыллар. Кинилэр үөрэх кыһаларыгар ыалдьыттыыллар, дойдуларыттан үөрэнэр устудьуоннары көрсөллөр, түмэллэргэ сылдьан билиилэрин-көрүүлэрин хаҥаталлар, улахан куораттар ураты кэрэ, култуура, ускуустуба кэрэхсэбиллээх миэстэлэрин сөҕө, сэргии көрөллөр-истэллэр, элбэх саҥаны билэллэр.
Быйылгы бөлөҕү кылаас салайааччылара Аксиния Ивановна Копырина уонна Вероника Артуровна Бубякина иилэн-саҕалаан илдьэ сырыттылар.
Бастайааннай Бэрэстэбиитэлистибэ Москваҕа үлэтин-хамнаһын билистилэр, Наталья Николаевна Колодезникова, Туйаара Николаевна Константинова көрсөн кэжпсэттилэр. Байыаннай дьайыы дьоруойдарын мэтириэттэрин быыстапкатын көрдүлэр. «Саха волонтердара» уопсастыбаннай түмсүү нөҥүө дойдуларыттан байыастарга төрөппүттэрэ, чугас дьонноро астаан ыыппыт астарын, кэһиилэрин уонна оскуолаларыгар учууталлара Марианна Трофимовна Сивцева салалтатынан бэлэмнэммит, вакуумнаммыт биэс дьааһык миини (борщ) госпиталга сытар байыастарга анаан «Саха волонтер» хамсааһын салайааччытыгар Т.Н.Константиноваҕа туттардылар. Маны таһынан, Суотту оскуолатын үөрэнээччилэрэ байыастарга анаан суруйбут суруктарын (90 суругу) тиксэрдилэр.
Оҕолор дириҥ ис хоһоонноох айаннарын тэрийбит оскуолаларын дириэктэригэр Ирина Михайловна Петуховаҕа, кылаастарын салайааччыларыгар Аксиния Ивановна Копыринаҕа, Вероника Артуровна Бубякинаҕа уонна билиини-көрүүнү биэрэр бары учууталларыгар махтаналлар.
Раиса Черкашина,
Суотту, Уус Алдан.
Михаил Немков хаартыскаҕа түһэриитэ.
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Мииринэй нэһилиэнньэлээх пууннарыгар СӨ Бырабыыталыстыбатын 2025 сыллааҕы үлэтин отчуоттуур мунньаҕын иккис күнэ. Бөлөҕү СӨ Бырабыыталыстыбатын…
Билигин Арассыыйаҕа барытыгар кэриэтэ XFG ("Стратус") коронавирус штамма тарҕанна. Бу штамм аан бастаан былырыын Канадаҕа…
Ньурба техникумугар устудьуоннары уонна үлэһиттэри ыксаллаах түгэннэргэ бэлэмниир, баһаартан сэрэтэр тэрээһиннэр ыытылыннылар диэн СӨ Судаарыстыбаннай…
Арассыыйа ИДьМ Мэҥэ Хаҥалас оройуонунааҕы полиция отделын дьуһуурунай чааһыгар олохтоох дьахтартан кыбартыыратыгар киирэр аанын алдьаппыттарын…
"Аҕа дойдуну көмүскээччилэр" пуонда Саха сиринээҕи филиалын кэлим көмөтүнэн, байыаннай дьайыы кыттыылааҕа, байыаннай дьайыылар бэтэрээннэрэ…