Салгыы
Суоттуга сааскы субуотунньуктар

Суоттуга сааскы субуотунньуктар

Ааптар:
03.05.2024, 16:00
Бөлөххө киир:

Суоттуга тыыл бэтэрээннэригэр, сэрии кэмин оҕолоругар, Дьоруой ийэҕэ, байыаннай дьайыыга кытта сылдьар дьоммут дьиэ кэргэттэригэр оттук мастарын хайытан, саһааннаан биэрэргэ көхтөөх субуотунньуктары, тимуровскай көмөнү үөрэх тэрилтэлэрэ көҕүлээн ыыталлар.

Суотту орто оскуолатын үөрэнээччилэрэ уонна учууталлара Үлэ, Эйэ, Саас бэлиэ күнүнэн — 1 Маай бырааһынньыгынан бэтэрээннэргэ 7-с, 8- с, 9-с, 10-с кылаастар оҕолоро уонна интэринээт иитиллээччилэрэ учууталларын кытта тыыл бэтэрээннэригэр, сэрии сылларын оҕолоругар уонна Дьоруой ийэ5э көмөлөстүлэр.

Копырина А.И салайааччылаах 7 кылаас үөрэнээччилэрэ уонна 8 а кылаастар (кылаас салайааччыта Татаринова Л.В.), үлэһиттэр Сыроватскай А.Д., Котоконов Н.Н., Никитин Д., Ефимов В.В кыайыылаах-хотуулаах үлэлэрин түмүгэр, уоттаах сэрии кэмигэр оҕо сааһа ааспыт үлэ бэтэрээнигэр, СӨ тыатын хаһаайыстыбытын үтүөлээх үлэһитигэр Моттуев М.Д.,
8 «б» уонна 6 кылаас үөрэнээччилэрэ (кылаас салайааччылара Бубякина В.А., Оконешникова Л.И.) тыыл, үлэ бэтэрээнэ, нэһилиэкпит бочуоттаах олохтооҕо Оконешников И.С., 10 кылаас үөрэнээччилэрэ уонна учууталлар Свинобоев А.Е., Атласов И.И., Поисеев С.С. үлэ, тыыл бэтэрээнигэр, «Үлэ Кыһыл Знамята» орден кавалерыгар Мордовской С.С. кыстык мастарын хайытан, саһааннаан биэрдилэр. Үлэ бэтэрээнигэр, сэрии кэмин оҕотугар Кривошапкин Е.Е. 7 «б» уонна 5 кылаастар учууталларын Котоконова Т.С., Константинова А.Е. кытта көмөлөстүлэр. Суотту оскуолатын интэринээтин иитиллээччилэрэ үлэ бэтэрээнэ, Дьоруой ийэ Охлопкова Р. Ф. көмөлөстүлэр.

Уус Алданнааҕы техникум (ЗЧС) уонна тутааччылар бөлөхтөрүн устудьуоннара уонна үлэһиттэрэ дириэктэри солбуйааччы Пермяков П.Д., электрик Заровняев С.С., Лебедев В.С. үлэ бэтэрээнигэр, сэрии сылларын оҕотугар Федорова Мария Дмитриевнаҕа уонна байыаннай дьайыыга кытта сылдьар буойун дьиэ кэргэнигэр Заболоцкая С.Н.дьиэ таһын хомуйарга, оттук маһы саһаанныырга көмөлөстүлэр.

С.С. Васильев-Борогонскай аатынан Хоноҕор сүрүн оскуолатын кэлэктиибэ байыаннай дьайыыга кытта сылдьар байыастар дьиэ кэргэттэригэр Омукова Ольга Владимировнаҕа, Савельева Татьяна Николаевнаҕа бука бары көхтөөхтүк көмөлөстүлэр.

Бэтэрээннэр уонна байыастар дьиэ кэргэннэрэ Суотту орто оскуолатын (дириэктэр Петухова И.М.), Хоноҕор сүрүн оскуолатын (дириэктэр Александрова Е.И.), оскуолалар үөрэнээччилэригэр, Уус Алданнааҕы техникум (дириэктэр Стрекаловскай А.В.) кэлэктииптэригэр барҕа махталларын, үтүө алгыс тылларын тиэртилэр.

Раиса Черкашина

Субуотунньутар кыттыылаахтарын хаартыскаҕа түһэриилэрэ.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: