Хаартыскаҕа В.Патрасова түһэриитэ
Саха Өрөспүүбүлүкэтин судаарыстыбаннаһын күнүнэн, Улуу Кыайыы 80 сылын көрсө Уус Алдан улууһугар Суоттуга нэһилиэк сирин-уотун ырааһырдар сыаллаах маассабай субуотунньук олохтоохтору, тэрилтэлэри түмтэ.
Маннык субуотунньуктар Суоттуга саас, күһүн олохтоох дьаһалта тэрээһининэн сылын аайы ыытыллаллар уонна олус көхтөөх буолаллар. Быйыл күһүҥҥү субуотунньукка ытык сирдэрбит, киин уулуссаларбыт тэрилтэлэргэ сыһыарылыннылар.
Эр дьон урукку маҕаһыын быраҕыллыбыт сирин-уотун хомуйдулар.
Нэһилиэкпит тулата ыраас, тупсаҕай буоларыгар кыһамньылаахтык үлэлэһэр уопсастыбанньык, эколог М.В.Бурцева хамаандата көҥүлэ суох сиргэ тоҕуллубут бөхтөөх сирдэри кыһаллан ыраастаатылар.
Бу көхтөөх тэрээһин кыахтаахтык, көдьүүстээхтик ыытылларын урбаанньыттар М.Н.Пухов, В.И.Киренскэй улахан кыамталаах тиэхиньикэлэрин үлэлэтэн улахан көмөнү оҥордулар.
Нэһилиэкпит баһылыга В.И.Иванов олорор түөлбэбит ыраас, тупсаҕай буолара хас биирдии киһиттэн тутулуктааҕын бэлиэтээн туран күһүҥҥү ырааһырдыы субуотунньугар кыттыыны ылбыт дьоҥҥо махталын биллэрдэ.
Бэлиэ күҥҥэ субуотунньукка кыттыбыт дьон бары ис сүрэхтэн үөрэн, сүргэбит улаханнык көтөҕүллэн, үөрүүбүт икки бүк үрдээн тарҕастыбыт.
Раиса Черкашина.
Хаартыскаларга Валентина Патрасова түһэриитэ.
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу…