Екатерина Татаринова хаартыскаҕа түһэриитэ
Суотту нэһилиэгэр «Кыһын Саха сириттэн саҕаланар» бырайыак чэрчитинэн харыйа уота сандааран тырымныырын көрсө бэртээхэй тэрээһин ыытылынна.
Халлаан сылаас буолан харыйа тула дьон-сэргэ, оҕо уруу муһунна. Дьэ кырдьык, көр-нар, оонньуу манна көҕүлүттэн тутулунна. Үҥкүү-битии, ырыа-тойук сүргэбитин көтөхтө, сүрэхпитин үөрүүнэн толордо. «Мичээр» сынньалаҥ киинин таһыгар турар лаглайбыт харыйа тула «Аптаах бириэмэ» диэн көрдөөх дьүһүйүүнү култуура үлэһиттэрэ көрдөрдүлэр. Бу үөрүүлээх күн Эһээ Дьыл, Хаарчаана эҕэрдэлэрин тиэртилэр, оҕолорго минньигэс бэлэхтэри туттартаатылар. Нэһилиэк баһылыгын солбуйааччы С.И.Ксенофонтов мустубут дьону эҕэрдэлээтэ.
Бу күүтүүлээх күн кулуупка «GastroFest» диэн тэрээһин бэрт сэргэхтик ыытылынна. Нэһилиэкпит талааннаах дьоно-сэргэтэ маастар-кылаастары ыыттылар, бэртээхэй атыы-тутуу дьаарбаҥката болҕомтону тарта, тоҥ балыгы ким түргэнник кыһарыгар күрэхтэһии күүрээннээҕэ буолла. Салгыы мааны таҥас-сап көрдөрүүтэ сэҥээриини ылла. Оҕолорго оонньуу арааһа тэрилиннэ. Дьоро күнү дьон-сэргэ улаханнык астынна. Үүнэр сыл дьолу-соргуну түстээтин, олоҕу кэрэнэн симээтин.
Иннокентий Попов-Оҕуруоттаах,
Суотту, Уус Алдан.
Екатерина Татаринова хаартыскаларга түһэриитэ
Хой Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар…
Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.…
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…