Сураҕа суох сүппүт дьон аймахтара геномнай регистрацияны ааһыахтара

Ыам ыйын 15 күнүттэн Арассыыйаҕа саҥа сокуон олоххо киириэҕэ. Ол курдук, сураҕа суох сүппүт дьон аймахтара геномнай регистрацияны хайаатар даҕаны ааһар буолуохтара.

Геномнай регистрация диэн киһи ДНК-тын ылан, салгыы харайар уонна туттар туһуттан баазаҕа киллэрии буолар. Сүппүт дьон чугас дьоно — төрөппүттэрэ, оҕолоро, бииргэ төрөөбүттэрэ хайаан даҕаны маны ааһар буолуохтара. Тустаах сокуон ыам ыйын 15 күнүттэн киириэҕэ диэн «Парламентская газета» саайт суруйар.

Процедураны силиэстийэлиир уорганнар уонна криминалистика уобалаһын исписэлиистэрэ ыытыахтара.

Бу геномнай инфорамция сүппүт киһи булуллуор диэри, ол эрээри аччаабыта 70 сыл баазаҕа хараллыаҕа.