Хаартыска: Алексей Тарасов тиксэриитэ
Үөһээ Бүлүү улууһун Сургуулук нэһилиэгин баһылыга Алексей Тарасов уола Алексей Улуу Кыайыы күнүгэр Москваҕа Кыһыл болуоссакка параадка кыттарын туһунан социальнай ситимнэргэ тарҕанна.
Алексей Тарасовы булан, төлөпүөнүнэн бу суолталаах сонун туһунан кэпсэттибит.
— Икки уоллаахпын. Кыра уолум Алексей Сочига менеджер-экэнэмиис үөрэҕэр үөрэнэн баран, онно хаалан үлэлии сырыттаҕына, байыаннай дьайыылар саҕаламмыттара. Онон кини Сочиттан мобилизацияланан барбыта балтараа сыл буолла. Бахмут аннынан сылдьан, бааһырбыта. Эмтэнэн тахсыбытын кэннэ уоппускаҕа ыыппыттара. Онно сылдьан, кини дивизиятыттан Алексейы уонна биир нуучча уолун Москваҕа Кыһыл болуоссакка параадка кыттарга талбыттарын туһунан истибитэ. Билигин онно «сборга» баран дьарыктана сылдьар. Москваҕа барбыта ыйтан орто.
Биллэн турар, суолталаах тэрээһиҥҥэ кыттыыга кытаанах талыы буоллаҕа. Уолум уҥуоҕунан уһун — икки миэтэрэ кэриҥэ үрдүк уҥуохтаах. Взвод хамандыыра этэ. «Мужество» уордьаннаах, «За отвагу» мэтээллээх. Алексей уоллаах кыыс оҕолоох. Бүгүн уола 10 сааһын туолла.
Уолбутунан Алексей Алексеевиһынан төрөппүттэрэ, аймахтара, биир дойдулаахтара киэн туттабыт уонна этэҥҥэ сылдьан, дойдутугар кэлэригэр баҕарабыт, — диэн Алексей Тарасов санаатын үллэһиннэ.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…