Салгыы
Сургуулук уола Алексей Тарасов Кыһыл болуоссакка байыаннай параадка кыттыаҕа

Сургуулук уола Алексей Тарасов Кыһыл болуоссакка байыаннай параадка кыттыаҕа

04.05.2024, 12:31
Хаартыска: Алексей Тарасов тиксэриитэ
Бөлөххө киир:

Үөһээ Бүлүү улууһун Сургуулук нэһилиэгин баһылыга  Алексей Тарасов  уола Алексей  Улуу Кыайыы күнүгэр Москваҕа Кыһыл болуоссакка параадка кыттарын туһунан социальнай ситимнэргэ тарҕанна.

Алексей Тарасовы булан, төлөпүөнүнэн бу суолталаах сонун туһунан кэпсэттибит.

Икки уоллаахпын. Кыра уолум Алексей Сочига менеджер-экэнэмиис үөрэҕэр үөрэнэн баран, онно хаалан үлэлии сырыттаҕына, байыаннай дьайыылар саҕаламмыттара. Онон кини Сочиттан мобилизацияланан барбыта балтараа сыл буолла. Бахмут аннынан сылдьан, бааһырбыта. Эмтэнэн тахсыбытын кэннэ уоппускаҕа ыыппыттара. Онно сылдьан, кини дивизиятыттан Алексейы уонна биир нуучча уолун Москваҕа Кыһыл болуоссакка параадка кыттарга талбыттарын туһунан истибитэ. Билигин онно «сборга» баран дьарыктана сылдьар. Москваҕа барбыта ыйтан орто. 

Биллэн турар, суолталаах тэрээһиҥҥэ кыттыыга кытаанах талыы буоллаҕа. Уолум уҥуоҕунан уһун  — икки миэтэрэ кэриҥэ үрдүк уҥуохтаах.  Взвод хамандыыра этэ. «Мужество» уордьаннаах, «За отвагу» мэтээллээх. Алексей уоллаах кыыс оҕолоох. Бүгүн уола 10 сааһын туолла. 

Уолбутунан Алексей Алексеевиһынан төрөппүттэрэ, аймахтара, биир дойдулаахтара киэн туттабыт уонна этэҥҥэ сылдьан, дойдутугар кэлэригэр баҕарабыт, — диэн Алексей Тарасов санаатын үллэһиннэ.

+1
39
+1
0
+1
0
+1
0
+1
0
+1
1
+1
0
Бары сонуннар
Салгыы
22 июня
  • 12°C
  • Ощущается: 12°Влажность: 87% Скорость ветра: 2 м/с

Сообщить об опечатке

Текст, который будет отправлен нашим редакторам: