Хаартыска: ааптар тиксэриилэрэ
Тохсунньу 24 күнүгэр Емельян Ярославскай аатынан устуоруйа уонна Хотугу сир норуоттарын култууратын мусуойугар дириҥ ис хоһоонноох «Өбүгэ утума» быыстапка аһылынна.
Быыстапка ааптара -– СӨ норуотун маастара, кыраайы үөрэтээччи, суруналыыс, суруйааччы Николай Николаевич Аржаков-Боло Уус. Кинини эҕэрдэлии Чурапчыттан биир дойдулаахтара кэлбиттэр.
Быыстапкаҕа барыта 120-тэн тахса эспэнээт туруорулунна. Боло Уус быыстапкаҕа турбут үлэлэрин уонна бэйэтин чинчийиилэрин билиһиннэрдэ.
Манна маастар араас сылларга оҥорбут хомустарын, саха кыл үнүстүрүмүөннэрин, боотурдар туттар сэптэрин-сэбиргэллэрин саҥардыбытын, ойуун таҥаһын, устуоруйаны кэрэһилиир артефактары уонна, биллэн турар, ааптар кинигэлэрин билсиэххэ сөп.
Биллиилээх уус атын да үлэлэрэ Аан дойду хомуһун мусуойун уонна киинин, Байаҕантай кыраайы үөрэтэр мусуойун, Саха сирин норуоттарын муусукатын уонна фольклорун, «Симэх» национальнай киин, Чурапчы улууһунааҕы Көһөрүү мусуойун уо.д.а. пуондатын байыталлар.
Николай Николаевич эргиччи талааннаах киһи быһыытынан, олох оргуйар үөһүгэр сылдьар. Кини — 13 кинигэ, 50-тан тахса ыстатыйа ааптара. Уус-уран самодеятельность актыыбынай кыттыылааҕын быһыытынан, «Арчы дьиэтин» иһинэн Евдокия Павлова-Кылыһах Далбар салайар «Күн дьоно” фольклор бөлөҕөр хомуска да оонньуур, хабарга ырыатын да толорор, аан дойдутааҕы куонкурустар Кылаан бириистэрин уонна дипломнарын хаста да ылбыта.
Быыстапка олунньу 2 күнүгэр диэри үлэлиир.
Николай Аржаков туһунан сиһилии биһиги саайпытыгар
© sakha-sire.ru сайтан: https://sakha-sire.ru/degitter-talaannaah-bolo-uus/ билсиэххэ сөп.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…