Хаартыска: И.Осипов
Ахсынньы 12 күнүгэр Майатааҕы киин бибилэтиэкэ биллиилээх суруйааччы, поэт Иннокентий Сосин төрөөбүтэ 95 сылыгар аналлаах «Алаас ахтылҕаннаах ырыаһыта» диэн түһүлгэни тэрийдэ. Мэҥэ Хаҥаласка 2023 сылга суруйааччы И.М. Сосиҥҥа анаммыт сыл биллэриллибитэ, ол чэрчитинэн элбэх тэрээһин ыытыллыбыта.
Иннокентий Сосиҥҥа аналлаах кыракый түмэл аһыллыыта наһаа истиҥник, үчүгэйдик тэриллэн ыытылынна. Араас улуустартан кэлбит ыалдьыттар бэртээхэй ахтыылары оҥордулар, аны 100 сылын көрсө туох үлэ ыытыллыан сөбүн туһунан санааларын үллэһиннилэр. 100 сылыгар кини туһунан улахан кинигэ бэчээттэнэн тахсыаҕа.
Иннокентий Михайлович кыргыттара, киин бибилэтиэкэ үлэһиттэрэ сылдьыбыт дьоҥҥо барыларыгар өйдөбүнньүк бэлэхтэри туттаран, ыҥырыылаах ыалдьыттары баай астаах остуолларвгар чэйдэтэн үөртүлэр. Салгыы литературнай биэчэр култуура дыбарыаһыгар өрө күүрүүлээхтик буолан ааста.
Ыспыраапка
Суруйааччы, поэт, СӨ култууратын үтүөлээх үлэһитэ, ССРС суруналыыстарын Сойууһун, РФ, СӨ суруйааччыларын Сойууһун чилиэнэ, Мэҥэ-Хаҥалас, Уус-Алдан улуустарын, Майа сэлиэнньэтин, Моорук, Тараҕай, Мүрү нэһилиэктэрин Бочуоттаах гражданина, РФ «Култуураҕа ситиһиилэрин иһин» бэлиэ хаһаайына Иннокентий Сосин Мэҥэ-Хаҥалас Мооругар 1928 сыллаахха төрөөбүтэ. Оҕо сааһа Эрбэһэр алааска ааспыта. Соҕотох оҕо буолан, кини бэйэтэ маһынан оонньуур оҥостон: мас атынан, ытынан, мас ынахтарынан оонньуур эбит.
1955 сыллаахха Дьокуускайдааҕы педагогическай институту бүтэрбитэ. Үрдүкү партийнай оскуола ЦК КПСС суруналыыстыка салаатыгар үөрэммит. Холкуоска ынах үүрээччинэн, сэкирэтээринэн, саха тылын уонна литературатын учууталынан, хаһыат эрэдээктэринэн, методиһынан үлэлээбит.
Бастакы кинигэтэ «Айаннаан иһэн» 1959 сыллаахха тахсыбыт. Айар үлэтин ырыаһыт поэт быһыытынан саҕалаабыт эбит. Хоһоонноро билигин ырыа буолан ыллана сылдьаллар. 60-тан тахса хоһоонугар ырыа матыыба суруллубут эбит, холобур, «Биригэдьиир Марыына», «Тус хоту», «Мэттэкэ-тэттэкэ Миитэрэй». 60-ча хоһоонугар ырыа айыллыбыта. Кини өссө кыраайы үөрэтээччи буолар.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…