Сайаана Львова хаартыскаҕа түһэриитэ
Бүгүн өрөспүүбүлүкэтээҕи медиа-кииҥҥэ Арассыыйа биллэр уопсастыбаннай уонна бэлитиичэскэй диэйэтэлэ, суруйааччыта, публициһа Николай Стариков «Террор. Кому и зачем он нужен» кинигэтинэн уонна Дьокуускайга «Арассыыйа — мин устуоруйам» түмэлгэ турбут «Острый карандаш Бориса Ефимова» мультимедийнай быыстапкатынан пресс-кэмпэриэнсийэ биэрдэ.
Быыстапкаҕа сэбиэскэй бэлитиичэскэй карикатурист Борис Ефимов ааспыт үйэ 30-70 сс. уруһуйдаабыт 200-н тахса үлэтэ турда диэн Николай Стариков кэпсээнин саҕалаата. Маннык мультимедийнай быыстапканы кини дойду 10 куоратыгар туруорбут.
«Борис Ефимов үлэлэрэ саҥа бэлитиичэскэй эрэсиим, байыаннай уонна дипломатическай иирсээннэр баалларын, итиэннэ тас дойдулар хайдах сыһыаннаһалларын көрдөрөллөр. Бу карикатуралар бэлиитикэҕэ туох даҕаны уларыйбатаҕын, ол да кэмҥэ, билигин даҕаны судаарыстыбалар утарыта турууларын арҕаа дойдулар күөртүүллэрин көрдөрөллөр», — диэн Николай Викторович бэлиэтиир.
Салгыы ааптар «Террор. Кому и зачем он нужен» кинигэтин туһунан билиһиннэрдэ. Кини бу кинигэ терористар сиэртибэлэрэ буолбут Дарья Дугинаҕа уонна Владлен Татарскай сырдык кэриэстэригэр ананарын эттэ.
«Мин терроризм туһунан кинигэни суруйарга санаммытым ыраатта. Ол гынан баран, суруналыыс Дарья Дугинаны уонна Владлен Татарскайы терористар сидьиҥник өлөрбүттэрин, доҕорбор Захар Прилепиҥҥэ саба түспүттэрин кэннэ суруйарга санаммытым. Террор – биир судаарыстыба атыҥҥа дьайар инструменынан буолла. Саамай сүрүнэ манна сытар, ону мин үгүс историческай холобурдарынан дакаастыахпын баҕарабын. Бу кинигэни аахпыт киһи өйдүө дии саныыбын. Ити уопсастыба санаатыгар уонна настарыанньатыгар дьайыы ньымата буолар. Үксүгэр манна туох да сыһыана суох дьон өлөллөр эбээт. Бу кинигэ үгүс киһиэхэ терроризм кимҥэ уонна туохха наадатын өйдүүргэ көмөлөһүө», — диэн этэр ааптар.
Николай Стариков кинигэтигэр терроризм устуоруйатын сиһилии ырытар, терроризм ханнык көрүҥэ баарын уонна кини тэрийээччилэрэ иннилэригэр туох соругу туруоралларын чинчийэр.
Суруналыыстар суруйааччы, публицист Николай Стариков үгүс ыйытыыларыгар толору хоруйдары ылан астынан тарҕастылар. Ыйытыылар сүрүннээн терроризм, анал байыаннай дьайыы, Украина олохтоохторун, арҕаа дойдулар ыытар бэлиитикэлэрин туһунан буолла.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…