Учуутал, суруйааччы Василий Гоголев-Уйулҕан ыам ыйын 18 күнүгэр Илья Егорович Винокуров аатынан Намнааҕы педагогическай кэллиэскэ ыалдьыттаата.
Ол туһунан Василий Гоголев-Уйулҕан маннык кэпсээтэ:
“Учуутал идэтигэр уһуйуллубут, үөрэммит кыһабыт Намнааҕы педагогическай кэллиэс 60 сыллаах үбүлүөйдээх сылын чэрчитинэн көлүөнэлэр көрсүһүүлэригэр, быйыл дойду үрдүнэн биллэриллибит Учуутал уонна уһуйааччы сылыгар сөп түбэһиннэрэн ыытыллар тэрээһиҥҥэ, учуутал идэтин талбыт устудьуоннары кытары көрсүһүүгэ ыҥырыллан, ыалдьыттаан кэллим.
Учуутал идэтэ олус уустук уонна улахан тулууру, сыраны-сылбаны эрэйэрин, ол гынан баран, олус наадалааҕын туһунан уонна бэйэм күннэтэ көрсөр түбүктээх үлэбин сырдаттым. Учуутал идэтин билиилээх, хорсун ыччаттар талалларын, билиҥҥи кэмҥэ арҕаа дойдулар бөрүкүтэ суох сабыдыалларын, онно ускуустуба кэрэ эйгэтигэр үүнэр көлүөнэни уһуйуу улахан суолталааҕын, учуутал идэтэ олус эппиэттээҕин туһунан билиһиннэрдим.
Ону сэргэ, учуутал уустук идэтин таһынан бэйэм айар үлэм туһунан сырдаттым. Хас биирдии киһи айылҕаттан бэриллибит дьоҕурун сайыннарыахтаах диэн сүбэбин-амабын тириэртим. Уус-уран литератураҕа айымньыларбын, уус уран киинэм, килииптэрим туһунан кэпсээтим, улахан экраҥҥа көрдөрдүм. Ону сэргэ, төрөөбүт дойдуга тапталы, бэриниилээх буолары көрсүһүүм түмүгэр тускулаатым.
Онон, икки чаастан ордук ирэ-хоро сэһэргэһэн, сорукпун ситтим. Эдэр устудьуон оҕолор көрөн-истэн, талбыт идэлэригэр тугу эрэ эбиммиттэрэ буолуо диэн сырдык санаалаах кэллим. Түмүккэ өйдөбүнньүк хаартыскаҕа түстүбүт.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…