Хаартыска: ааптар тиксэриитэ
Нэдиэлэ бэһис күнэ ханна да олус түбүктээх, үгүс тэрээһиннэрдээх күн быһыытынан биллэр. Ол курдук, алтынньы 3 күнүгэр Мэҥэ Хаҥалас Майатыгар «Быйаҥнаах тэлгэһэ — 2025» дьаарбаҥка, үс улахан оскуолаҕа Учуутал күнүн бэлиэтээһин курдук элбэх киһини хабан ыытыллыбыт тэрээһиннэри сэргэ, «Дьол түһүлгэтин» уораҕайыгар саха ааҕааччыларын куттарын туппут суруналыыс Борис Павлов-Борис Кэм, СӨ Суруйааччыларын сойууһун чилиэнэ Мария Решетникова-Арылы Дуйдаах «Таммахтар» литературнай холбоһук ыҥырыытынан ааҕааччылары, саха литэрэтиирэтин сэҥээрээччилэри кытта утары көрсүһэн олорон ирэ-хоро сэһэргэстилэр. Айымньыларын кытта билиһиннэрэн, араас боппуруостарга эппиэттээн бэрт сэргэх кэпсэтии буолла.
Суруйааччыларга анаан туспа болҕомто уурулунна. Ол курдук, Киин бибилэтиэкэ туруорбут быыстапкатын «Таммахтар» литературнай холбоһук салайааччыта Наталия Пахомова билиһиннэрдэ. «Түмэн» уопсастыбаннай түмсүү үлэтин-хамнаһын Людмила Пивоварова, байыаннай дьайыы кыттыылаахтарыгар таҥас тигиитин туһунан иис сыаҕыттан Ариадна Тастыгина, сэбиэскэй кэмнэр кэрэһиттэрин туоһулуур түмэл малын-салын туһунан Нина Никанорова кэпсээтилэр. Саха сиэринэн «Дьол түһүлгэтин» сылаас уорҕатыгар итии астаах-үөллээх сандалы тардылынна.
Дьоро күн сүрүн чааһын Иннокентий Сосин аатынан Киин бибилэтиэкэттэн Марина Трофимова, буоларын курдук, бу да сырыыга бэрт дьоһуннаахтык салайан ыытта. «Мозаика» кырачаан ырыаһыт кыргыттара (эбии үөрэх кииниттэн) , «Эн сулускун» бырайыакка ситиһиилээхтик кыттыбыт Степан Копырин ырыаларынан киэргэттилэр. Көрсүһүү былаһын тухары биирдиилээн ааҕааччылар санаа атастаһыытыгар кыттан, суруйааччыларга махтал тылларын эттилэр, «Үһүс көлүөнэ» айар түмсүүтүн чилиэннэрэ сэргээбит хоһоонноруттан аахтылар.
Түгэнинэн туһанан, ыҥырыыбытын ылынан кэлэн кэпсээн-ипсээн эбиитин саҥа кинигэлэрин бэлэхтээн ааспыт Борис Павлов-Борис Кэмҥэ, Мария Решетникова-Арылы Дуйдаахха махталбытын тиэрдэбит.
Августина ВЛАДИМИРОВА-ХАБАРОВА
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…