Бэҕэһээ, сэтинньи 21 күнүгэр саха тылын, литературатын уонна култууратын учууталларын II өрөспүүбүлүкэтээҕи сийиэстэрин көрсө уонна «Саха Өрөспүүбүлүкэтин тылларын туһунан» сокуон ылыллыбыта 30 сылынан Тыл сүбэтин киэҥ ыҥырыылаах мунньаҕа буолан ааспыта.
Саха сиригэр судаарыстыбаннай уонна официальнай тыллары туһаныы туһунан, оҕону сахалыы үөрэтии, тыл сайдыытыгар судаарыстыба туох үлэни ыытара кэпсэннэ. «Айар» национальнай кинигэ кыһатын үбүлээһин туһунан эмиэ этилиннэ. Народнай поэт, Саха сирин Суруйааччыларын сойууһун бэрэссэдээтэлэ Наталья Ивановна Харлампьева санаатын маннык үллэһиннэ:
— Бэҕэһээҥҥи мунньахтан астынан олоробут. Биһиэхэ, суруйааччыларга, улахан суолталаах буолла. Кэнники сылларга үбүлээһини кытары сыһыаннаан, сыл аайы «Айар» национальнай кинигэ кыһатыгар көрүллэр субсидиятын кыччатыы барара. Дьиҥэр, бу кинигэни таһаарыы субсидията – судаарыстыба суруйааччылары, литература сайдыытын өйүүр дьаһала буолар. Мунньахха Ил Дархаммыт Айсен Николаев субсидия кэлэр сылга быйылгы курдук оннунан хааларын тоһоҕолоон эппитэ улахан суолталаах. 20 мөлүйүөн кинигэни таһаарыыга – бу манан дьыала буолбатах. Онон, бүгүн саха литературатыгар үлэлии сылдьар суруйааччылар саҥа айымньылара бириэмэтигэр кинигэ буолан тахсалларыгар эрэл улахан.
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…