Суруйааччы Егор Неймохов «Хапсыһыыта» билигин да суолталаах

Суруйааччы Егор Неймохов «Хапсыһыыта» билигин да суолталаах

19.03.2024, 14:32
Хаартыска -- Екатерина Попова тиксэриитэ
Бөлөххө киир:

Бу күннэргэ В. Г. Белинскэй аатынан Кыраайы үөрэтэр бибилэтиэкэҕэ «Билсиҥ: суруйааччы уонна кини кинигэтэ» бырайыак уочараттаах тэрээһинэ буолла.

Ааҕааччылары кытта көрсүһүү саха норуодунай суруйааччыта Егор Неймохов  «Хапсыһыы» сэһэнин ырытыыга уонна XVIII Норуоттар икки ардыларынааҕы  «Азия оҕолоро» успуорт оонньууларыгар ананна.

«Эн саамай сүрүн хапсыһыыга, олоххо хотон, успуорка эргилинин. Онтон атын улахан кыайыы баар буолуон сатаммат», — бу сүрүн дьоруой доҕоругар анаабыт тыллара айымньы сүрүн ис хоһоонун идиэйэтинэн буолар. Айымньыны ааҕааччы дьүүлүгэр талан ылыыбыт хас да түөрүөттээх: саха уус-уран литэрэтиирэтигэр успуорт тиэмэтигэр бастакы айымньы буолар; бэчээккэ тахсыбыта 40-ча сыл ааста да, айымньы ис хоһооно бүгүҥҥү күҥҥэ да уһулуччу суолталаах; ааптар олоҕун аргыһа  Мария Неймохова өр сыл Дьокуускайдааҕы бибилэтиэкэлэр ситимнэригэр кинигэни кэмпилиэктиир салааны салайбыта; сэһэҥҥэ В.Г. Белинскэй аатынан бибилэтиэкэтэ, кыратык да буоллар, ахтыллар.

Көрсүһүү ыалдьыттара: суруйааччы кэргэнэ Мария Неймохова, учуонай Василий Илларионов, успуорт диэйэтэлэ Михаил Друзьянов (куйаар ситиминэн),  норуот артыыһа Герасим Васильев, тустуук Вячеслав Карпов кэргэнэ Татьяна  Карпова көрсүһүү кыттыылаахтарыгар Егор Петрович Неймохов успуорка сыһыанын, спортсменнары кытта алтыһыытын, устудьуоннааҕы сылларын, «Хапсыһыы» айымньыны хайдах суруйбутун, айымньы саҥа тахсан, «буруолуу» сылдьан Саха тайыаатырыгар туруоруллубутун, сүрүн уобараска төрүөт буолбут Вячеслав Павлович Карпов айымньыны хайдах ылыммытын туһунан сиһилии, дириҥник хорутан сэһэргээтилэр.
«Хапсыһыыга ахтыллыбыт кинигэлэр» диэн быыстапка долбуурун сырдатыы  тэрээһин кыттааччыларын болҕомтолорун тарта.

Кырдьыктаах сыанабылы хаһан баҕарар ааҕааччы биэрэр, быһар:

«Хапсыһыы» киһи кутун-сурун таарыйар, норуот олоҕун, кыһалҕаларын кырдьыктаахтык көрдөрөр буолан, ааҕааччы сөбүлээбитэ, ылыммыта. Егор Неймохов норуотун үөрүүтүттэн, кыайыытыттан үөрэн,  баҕатын таба таайан, бу маннык уһулуччулаах айымньыны суруйбута. Онон ыччаты иитиигэ, эдэр киһи  бэйэтин суолун олоххо булунарыгар улахан сабыдыаллаах айымньы –  кинигэни ырытан баран, бары бу маннык түмүккэ кэллибит.

 Мария Неймохова уонна Василий Илларионов куорат бибилэтиэкэлэригэр суох аҕыйах тирааһынан бэчээккэ тахсыбыт бэйэлэрин кинигэлэрин бэлэхтээн үөртүлэр.

Екатерина ПОПОВА,

В.Г. Белинскэй аатынан  Кыраайы үөрэтэр бибилэтиэкэрэ, 

Дьокуускай к. 

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
24 мая
  • 10°C
  • Ощущается: 10°Влажность: 46% Скорость ветра: 1 м/с

Сообщить об опечатке

Текст, который будет отправлен нашим редакторам: