Учуутал иллэҥ да кэмигэр үлэтин эрэ саныыр. Уһун кэмҥэ үлэлээбит учууталлар мэлдьи өссө туох эрэ саҥаны булан киллэрбит киһи, тугу эрэ эдэр учууталларга сүбэлээбит, көрдөрбүт, үөрэппит киһи диэн санаалаах буолаллар.
Биир оннук учууталынан биһиги оскуолаҕа Маргарита Власьевна Сивцеваны ааттыыбыт. Кини «Педагогическай десант» аатынан өрөспүүбүлүкэ оскуолаларын кытта кэпсэтэн, оскуолатын учууталларын илдьэ сылдьан уопут атастаһыннарар. Ол курдук:
2014 с.-Намҥа өрөспүүбүлүкэтээҕи сэминээргэ. 2015 с. -Дьокуускайдааҕы 14 нүөмэрдээх саха-политехническай лицейгэ. 2016 с.- А. Г уонна Н.К.Чиряевтэр ааттарынан Дьокуускайдааҕы национальнай гимназияҕа. 2017с.- Дьокуускайдааҕы 2 нүөмэрдээх национальнай политехническай оскуолаҕа. 2018 с. — Дьокуускайдааҕы 14 нүөмэрдээх саха-политехническай лицейгэ. 2019с — А. Г уонна Н. К Чиряевтэр ааттарынан Дьокуускайдааҕы национальнай гимназияҕа. 2024 с — Дьокуускайдааҕы «Айыы Кыһата» национальнай гимназияҕа.
Норуоттар икки ардыларынааҕы Арктическай оскуолаҕа бу күннэргэ 16 учууталы илдьэ сырытта. Учууталлар барыта 9 биридимиэккэ аһаҕас уруоктарга сырыттылар. Кэлбит учуутал бэйэтэ үөрэтэр биридимиэтигэр туох эрэ саҥаны билэн-көрөн барда. Оскуола тутуута, ис-тас былаана барыта оҕо сайдарыгар толору кыаҕы биэрэрин хайгыы көрдүлэр. Сөтүөлүүр бассейн киэҥэ-куоҥа, Планетарий дьикти эриэккэс муусуката сылааны таһааран кэбиһэрэ, хас биирдии оҕоҕо анал туспа кэбиинкэлээҕэ, сэлэспэлэрин ииттэрэр анал миэстэлээхтэрэ, сынньанар сирдэрэ, остолобуойдара, үөрэнэр хосторо толорута — маны этэн эрдэхтэрэ: БАРЫТА ОҔО ТУҺУГАР!
«Остуоруйа курдук оскуолаҕа сылдьыбыппыттан олус астынным. Сүргэм көтөҕүлуннэ, санаалыын сырдаатым. Олох эдэр оскуола диэтэххэ атаҕар туран эрэр эбит. Үөрэнэллэригэр туох баар кыах барыта баар. Оскуола турар да сирэ олус бэрт эби. Айылҕаҕа сынньаналлларыгар мыраан чугас, эти-сиини сайыннараран дьарыктанарга былаһаакка эмиэ бэртээхэйдик оҥоһуллубут», — диэн санаатын физкултуура учуутала П.М.Охлопков үллэстэр. Химия учуутала Л.Р.Сыромятникова оҕолор уопуту олус холкутук оҥороллорун хайҕаата уонна туохха да ыгылыйбакка бэйэлэрин санааларынан сылдьалларын сөҕө көрбүт.
Маннык үчүгэй оскуолаҕа бэйэбит үөрэнээччибит П.К.Сыромятников уопуттаах учууталлары кытта тэҥинэн айа-тута сылдьарыттан ордук үөрдүбүт! Петр Кузьмич информатикаҕа аһаҕас уруок биэрэн хайҕанна. Бу курдук учууталлар саҥаны иҥэринэн, алын кылаас учуутала Маргарита Власьевнаҕа инникилээх, кэскиллээх үлэтигэр махтанабыт уонна сир үрдүгэр баар кэрэни баҕарабыт! Чэгиэн, дьоллоох буол!
И.Харайданова, Сэбиэскэй Сойуус Дьоруойа Ф. М. Охлопков аатынан Кириэс Халдьаайы орто оскуолатын саха тылыгар уонна литэрэтиирэтигэр үрдүк категориялаах учуутала.
Томпо.
Хаартыскаларга А.А.Черноградская, А.А.Слепцова, П.М.Охлопков, М.П.Габышева түһэриилэрэ.
Саха сирин дэлэгээссийэтэ Кыайыы күнүн иннинэ Новгород уобалаһын Старорусскай оройуонугар буойуттар пааматынньыктарыгар сырытта. Бу Буреги,…
Күндү ааҕааччыларбыт. Ыйыт-хоруйдуубут диэн балаһаҕа дьон үксүн үлэҕэ сыһыаннааҕы ыйытар. Ааҕааччыларбыт олох-дьаһах боппуруостарын чуолкайдаһаллар. …
Эдьиий Дора эр дьоҥҥо сүбэтэ. Билигин күрдьэҕинэн сирин тиэринэр киһи биллэ аччаата. Эмиэ албастаах, киһи…
Дьокуускай куорат баһылыга Евгений Григорьев Строительнай уокурукка сырытта. Көһө сылдьар мунньахха куорат борокуруора Виктор Умеренко…
Кальяны тардан сэллик ыарыыга сыстыахха сөбүн билэр киһи аҕыйах буолуохтаах. Ол туһунан Наркология өрөспүүбүлүкэтээҕи диспансерын…
Аҕа дойду уоттаах сэриитин кэмигэр дойдубутун кырыктаах өстөөхтөн көмүскээбит дьоммутун ахтар-саныыр, аҕа көлүөнэ албаннаах аатыгар…