Учуутал иллэҥ да кэмигэр үлэтин эрэ саныыр. Уһун кэмҥэ үлэлээбит учууталлар мэлдьи өссө туох эрэ саҥаны булан киллэрбит киһи, тугу эрэ эдэр учууталларга сүбэлээбит, көрдөрбүт, үөрэппит киһи диэн санаалаах буолаллар.
Биир оннук учууталынан биһиги оскуолаҕа Маргарита Власьевна Сивцеваны ааттыыбыт. Кини «Педагогическай десант» аатынан өрөспүүбүлүкэ оскуолаларын кытта кэпсэтэн, оскуолатын учууталларын илдьэ сылдьан уопут атастаһыннарар. Ол курдук:
2014 с.-Намҥа өрөспүүбүлүкэтээҕи сэминээргэ. 2015 с. -Дьокуускайдааҕы 14 нүөмэрдээх саха-политехническай лицейгэ. 2016 с.- А. Г уонна Н.К.Чиряевтэр ааттарынан Дьокуускайдааҕы национальнай гимназияҕа. 2017с.- Дьокуускайдааҕы 2 нүөмэрдээх национальнай политехническай оскуолаҕа. 2018 с. — Дьокуускайдааҕы 14 нүөмэрдээх саха-политехническай лицейгэ. 2019с — А. Г уонна Н. К Чиряевтэр ааттарынан Дьокуускайдааҕы национальнай гимназияҕа. 2024 с — Дьокуускайдааҕы «Айыы Кыһата» национальнай гимназияҕа.
Норуоттар икки ардыларынааҕы Арктическай оскуолаҕа бу күннэргэ 16 учууталы илдьэ сырытта. Учууталлар барыта 9 биридимиэккэ аһаҕас уруоктарга сырыттылар. Кэлбит учуутал бэйэтэ үөрэтэр биридимиэтигэр туох эрэ саҥаны билэн-көрөн барда. Оскуола тутуута, ис-тас былаана барыта оҕо сайдарыгар толору кыаҕы биэрэрин хайгыы көрдүлэр. Сөтүөлүүр бассейн киэҥэ-куоҥа, Планетарий дьикти эриэккэс муусуката сылааны таһааран кэбиһэрэ, хас биирдии оҕоҕо анал туспа кэбиинкэлээҕэ, сэлэспэлэрин ииттэрэр анал миэстэлээхтэрэ, сынньанар сирдэрэ, остолобуойдара, үөрэнэр хосторо толорута — маны этэн эрдэхтэрэ: БАРЫТА ОҔО ТУҺУГАР!
«Остуоруйа курдук оскуолаҕа сылдьыбыппыттан олус астынным. Сүргэм көтөҕүлуннэ, санаалыын сырдаатым. Олох эдэр оскуола диэтэххэ атаҕар туран эрэр эбит. Үөрэнэллэригэр туох баар кыах барыта баар. Оскуола турар да сирэ олус бэрт эби. Айылҕаҕа сынньаналлларыгар мыраан чугас, эти-сиини сайыннараран дьарыктанарга былаһаакка эмиэ бэртээхэйдик оҥоһуллубут», — диэн санаатын физкултуура учуутала П.М.Охлопков үллэстэр. Химия учуутала Л.Р.Сыромятникова оҕолор уопуту олус холкутук оҥороллорун хайҕаата уонна туохха да ыгылыйбакка бэйэлэрин санааларынан сылдьалларын сөҕө көрбүт.
Маннык үчүгэй оскуолаҕа бэйэбит үөрэнээччибит П.К.Сыромятников уопуттаах учууталлары кытта тэҥинэн айа-тута сылдьарыттан ордук үөрдүбүт! Петр Кузьмич информатикаҕа аһаҕас уруок биэрэн хайҕанна. Бу курдук учууталлар саҥаны иҥэринэн, алын кылаас учуутала Маргарита Власьевнаҕа инникилээх, кэскиллээх үлэтигэр махтанабыт уонна сир үрдүгэр баар кэрэни баҕарабыт! Чэгиэн, дьоллоох буол!
И.Харайданова, Сэбиэскэй Сойуус Дьоруойа Ф. М. Охлопков аатынан Кириэс Халдьаайы орто оскуолатын саха тылыгар уонна литэрэтиирэтигэр үрдүк категориялаах учуутала.
Томпо.
Хаартыскаларга А.А.Черноградская, А.А.Слепцова, П.М.Охлопков, М.П.Габышева түһэриилэрэ.
«ВОИН» киин Саха сиринээҕи филиалын уон иитиллээччитэ үөрэххэ үрдүк ситиһиилэрин иһин «курсант-гвардеец» диэн үрдүкү ураты…
ЫБМ управлениетатыгар икки этээстээх чааһынай олорор дьиэҕэ баһаар тахсыбытын туһунан иһитиннэрии киирбит. Аадырыһа: Сунтаар улууһа,…
2026 сыл тохсунньу 1 күнүттэн Дьокуускайга уопсастыбаннай тырааныспарынан айан төлөбүрэ уларыйда. Билигин куорат иһигэр оптуобуска…
Саҥа сыл бастакы нэдиэлэтигэр сулустар чугас дьоҥҥутугар болҕомтолоох буоларгытыгар сүбэлииллэр. Хой Саҥа сылы саҥа бырайыактарынан…
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…