Денис Попов хаартыскаҕа түһэриитэ
Бүгүн, кулун тутар 26 күнүгэр, өрөспүүбүлүкэтээҕи медиакииҥҥэ “Саха сирэ” хаһыат уопсастыбаннай кэрэспэдьиэнэ, РФ Суруналыыстарын сойууһун чилиэнэ, СӨ култууратын үтүөлээх үлэһитэ, Абый улууһун бочуоттаах гражданина, 37 кинигэ ааптара Николай Ребров 75 сааһынан үөрүүлээх тэрээһин буолла.
Тэрээһиҥҥэ Николай Ребров үөлээннээхтэрэ, бииргэ үлэлээбит, алтыспыт дьонноро муһуннулар. Бырабыыталыстыба бэрэссэдээтэлин солбуйааччы Дмитрий Садовников Николай Николаевиһы бу өрөгөйдөөх күнүнэн эҕэрдэлээн туран, СӨ Ил Дарханын ыйааҕынан “Гражданскай килбиэн” бэлиэни үөрүүлээх быһыыга-майгыга туттарда.
Николай Николаевич Ребров 1948 сыллаахха ахсынньы 27 күнүгэр Саха АССР Абый оройуонун Муҥурдаах нэһилиэгин Сыаҥаннаах сэлиэнньэтигэр биэс оҕолоох дьиэ кэргэҥҥэ иккис оҕонон күн сирин көрбүтэ. 1966 с. Дружина орто оскуолатын бүтэрэн баран, “Абый” сопхуоска оробуочайынан үлэлээбитэ. 1973 с. СГУ ИФФ устуоруйаҕа салаатын ситиһиилээхтик бүтэрбитэ. Актыбыыс устудьуон үөрэҕин таһынан уопсастыбаннай үлэҕэ хото сыстан барбыта, хомсомуол кэмитиэтин чилиэнэ, университет “Алмаас” тутар этэрээтин комиссара, өрөспүүбүлүкэ элбэх улууһун кэрийбитэ.
Салгыы үбүлээри Бэтэрээннэр өрөспүүбүлүкэтээҕи сэбиэттэрин бочуоттаах бэрэссэдээтэлэ, Ытык Сүбэ Бочуоттаах чилиэнэ Будимир Слепцов, “Якутскэнерго” хампаанньа генеральнай дириэктэрэ, Ил Түмэн дьокутаата Гаврил Алексеев, Абый улууһун баһылыга Владимир Новиков уонна да атыттар эҕэрдэлээтилэр.
Үөрүүлээх тэрээһини «Сахамедиа» холдинг генеральнай дириэктэрин солбуйааччы Чокуур Гаврильев иилээн-саҕалаан ыытта.
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…