Хаартыска: Өймөкөөн улууһун пресс-сулууспата.
Бүгүн, кулун тутар 27 күнүгэр РФ суруналыыстарын сойууһун чилиэнэ, СӨ Суруйааччыларын сойууһун чилиэнэ, СӨ бочуоттаах бэтэрээнэ, Өймөкөөн улууһун бочуоттаах гражданина, улуустааҕы Н.М. Заболоцкай-Чысхаан аатынан литературнай бириэмийэ лауреата Афанасий Степанович Гермогенов-ГАС үбүлүөйдээх 85 сааһын туолла.
Афанасий Степанович бүгүн эҕэрдэ бастыҥ тылларын истэр үөрүүлээх күнүгэр улуус баһылыга Александр Оконешников бэйэтин истиҥ эҕэрдэтин тиэртэ: “Киһи сааһа олоҕун сылын ахсаанынан буолбакка, кини дууһатын туругунан быһаарыллар” диэн бэргэн этии баар. Эн күн бүгүҥҥэ диэри тапталлаах төрөөбүт Төрүтүҥ нэһилиэгин бары тэрээһиннэригэр көхтөөхтүк кытта сылдьан, биир дойдулаахтаргын үөрдэҕин. Бэчээт эйгэтигэр өр сылларга таһаарыылаахтык үлэлээбит үлэ бэтэрээнигэр махталбытын тиэрдэбит. Эн нууччалыы тыллаах “Северная заря” уонна сахалыы тыллаах “Хотугу” сардаҥа” улуустааҕы хаһыаттарга уопсастыбаннай кэрэспэдьиэн быһыытынан, Өймөкөөн улууһун олоҕун-дьаһаҕын, күннээҕи түбүктэрин, кыһалҕаларын, үөрүүлэрин өрүү сурукка тиһэн, ааҕааччыларгар тиэрдэриҥ. Ол суруйууларыҥ хас да кинигэ буолан тахсан, үйэтитиллэрин ситиспитиҥ. Тостор тымныылаах тыйыс усулуобуйалаах Өймөкөөнүҥ хоһуун дьонун үтүө майгытын, кэрэ айылҕатын, баай булдун-аһын хомоҕой тылынан-өһүнэн кэрэхсэбиллээхтик кэпсиир кинигэлэриҥ – Эн тус баайыҥ.
Улууска суруналыыстыка, бэчээт эйгэтэ сайдыытыгар дьоһун кылаатын киллэрбит айар куттаах ытык киһибит Афанасий Степанович, өрүү бүгүҥҥүҥ курдук күлэ-үөрэ, чэгиэн сылдьаргар баҕарабыт!».
Афанасий Гермогеновы-ГАС Оппуонньаны кытта үгүстүк алтыһар өрөспүүбүлүкэ суруналыыстара кинини өрүү сылаас тылынан ахталлар, олоххо ураты көхтөөх киһинэн ааҕаллар. Афанасий Степанович сытыы матырыйааллара өрөспүүбүлүкэ сүрүн хаһыаттарыгар өрүү бэчээттэнэллэрэ. Айар куттаах ытык кэллиэгэбитин, билигин да хаһыатын кыбыммытынан сылдьар бэчээт эйгэтин эрэллээх аргыһын бүгүҥҥү үбүлүөйдээх күнүнэн эҕэрдэлиибит. Киниэхэ кытаанах доруобуйаны, ыраас халлааннаах чэгиэн олоҕу баҕарабыт.
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…