Ааптар түһэриитэ.
Балаҕан ыйын 20 күнүгэр Бэчээт дьиэтин медиакиинигэр Саха сирин Суруналыыстар сойуустарын салайааччытын солбуйааччы Галина Алексеевна Бочкарева 65 сааһын туолар үбүлүөйүн бэлиэтээтэ.
Тэрээһин Галина Алексеевна тус быыстапкатыттан саҕаланна. Манна »Идэҕэ бэринии» бастакы бэлиэ — Г.А. Бочкарева аата суруллубут үрүҥ көмүс уруучука Суруналыыстар түмэллэригэр эспэнээт быһыытынан бэрилиннэ.
Галина Алексеевна былыргы маллары, аккырыыккалары, значоктары мунньар коллекционер быһыытынан биллэр. Быыстапкаҕа кини мунньубут сэдэх эспэнээттэрэ көрдөрүүгэ турдулар.
Үбүлээри эҕэрдэлии инновация, сыыппара сайдыытын, инфокоммуникационнай технология миниистирэ Василий Ефимов, Ил Түмэн бэрэссэдээтэлин солбуйааччы Афанасий Владимиров, дьокутаат Захар Никитин, үгүс кэлиэгэлэрэ, суруналыыстар, уо.д.а. кэлбиттэр.
Кинилэр Галина Алексеевна настаабынньык быһыытынан элбэх эдэр суруналыыстарга көмө, сүбэ-ама буоларын, барыларын түмэрин, көмөлөһөрүн бэлиэтээтилэр, истиҥник махтаннылар, »ийэбит», »эдьиийбит» диэн ааттаатылар.
Суруналыыстар сойуустарын салайар кэмигэр кини хас биирдии чилиэҥҥэ болҕомтолооҕун, куруук кыһалҕаларын быһаарарга кыһалларын, тэрийэр дьоҕурдааҕын, эдэрдии эрчимнээҕин бэлиэтээтилэр.
Кини Суруналыыстыка түмэлин тэрийии, Суруналыыстар энциклопедияларын таһаарыы, буойун-суруналыыстарга стеланы туттарыы, тас дойдуларга пресс-турдары тэрийии, о.д.а. бырайыактары олоххо киллэрбитэ. Суруналыыстыкаҕа 44 сыл устата үлэлээн, олоҕун анаабыта, ол иһигэр 15 сыл устата Саха сиринээҕи Суруналыыстар сойуустарын салайбыта. Ыһыллыы-тоҕуллуу сылларын кэнниттэн, үбүлээһин суох кэмигэр, өрөспүүбүлүкэҕэ сойуус ыһыллыбатаҕа, төттөрүтүн, Арассыыйаҕа саамай элбэх чилиэннээх идэлээх сойуус буола улааппыта. Бу манна Галина Алексеевна өҥөтө улахан.
Бу күн Галина Алексеевна Бочкареваҕа судаарыстыбаннай наҕараадалары туттардылар, элбэх истиҥ-иһирэх тыллары эттилэр.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…