Кулун тутар 15 күнүгэр Саха сирин Суруналыыстарын сойууһа олохтоох салаалар бэрэссэдээтэллэрин мунньан, сэминээр-мунньаҕы тэрийдэ.
Саха сирин Суруналыыстарын сойууһа Арассыыйаҕа биир бастыҥ уонна улахан тэриллиитэ буолар, тыһыынчаттан тахса чилиэннээх. Быйыл тэриллибитэ 65 сылын бэлиэтиир, бу сайын үбүлүөйдээх ыһыах буолуохтаах. Бу туһунан Суруналыыстар сойуустарын бэрэссэдээтэлэ Олег Марков иһитиннэрдэ.
Арассыыйа Суруyналыыстарын сойууһун юридическай салаатын начаалынньыга Анна Белозерова саҥа уларыйыылар тустарынан кэпсээтэ. Саҥа Устаапка уларыйыылар киирбиттэр, ол ымпыгын-чымпыгын быһаарда.
Маны тэҥэ, суруналыыстар ыйытыыларыгар хоруйдаата. Холобур, суруналыыс статуһун туһунан ыйыттылар. Суруналыыстар бүддьүөт эйгэтигэр да, култуураҕа да киирсибэттэр, ол иһин хамнастара үрдээбэт, намыһах. Юрист сойууска сурук суруйарга сүбэлээтэ, эрэгийиэннэр бары туруннахтарына, туруорсуохпут, туох эрэ хамсыаҕа диэн эттэ.
Сэминээргэ суруналыыстар үлэ ымпыгын кытта билистилэр. Аныгы үйэҕэ интэриниэккэ, социальнай ситимнэргэ үлэ уопутун »Саха» НКИХ үлэһитэ Антон Васильев кэпсиэҕэ.
Маны тэҥэ, тэлэбиидэнньэ түмэлигэр сылдьыахтара.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…