Суудуна хапытаана оттугу уорбутун иһин сууттанна

Саха Өрөспүүбүлүкэтин Ленскэй улууһун суута олохтоох киһиэхэ буруйдуур бириигэбэри таһаарда. Кини атын баайы-дуолу туттуу иһин ыстатыйанан буруйу оҥорбута быһаарылынна.

Суут быһаарбытынан, 2025 сыл бэс ыйыгар «СК-2055» теплоход хапытаан-мэхээнньигэ атын суудунаны бас билээччигэ 105 тыһ. солк. суумаҕа 2,8 туонна дизель оттугун атыылаабыт.

Ол түмүгэр уу тырааныспарын тэрилтэтигэр оҥорбут 180 тыһ. солк. суумалаах хоромньутун толору толуйда.

Суут судаарыстыбаннай буруйдааччы санаатын учуоттаан, буруйдаах киһини  200 тыһ. солк. суумалаах ыстаарабынан накаастаата диэн Илин-Сибиирдээҕи тырааныспар борокуратууратын телеграм-ханаалыгар суруйаллар.