Суукка иһигэр 4 буруйу оҥоруу бэлиэтэннэ

Ааспыт сууккаҕа өрөспүүбүлүкэҕэ буруйу оҥоруу 4 түбэлтэтэ бэлиэтэннэ.

Дьокуускай куоракка суотабай төлөпүөнү уонна бэлэсипиэти уордулар. Нам улууһугар биир кыбартыыраттан 100 тыһыынча солк. тахса суумалаах малы-салы уорбуттары туһунан иһитиннэрии киирдэ.

Мэҥэ Хаҥалас улууһугар устудьуон оҕоттон күһэйэн туран харчытын ыла сатааһын чахчытынан бэрэбиэркэ барар.

Хаҥалас улууһугар массыыналаах киһи уруулун сатаан туппакка, матассыыкыллаах киһини түҥнэри көттө. Суол быһылаанын түмүгэр матассыыкыллах киһи эчэйэн балыыһаҕа киирдэ.

Ньурба улууһугар биир эр киһи балыктыы сылдьан ууга былдьанна.

Суукка иһигэр 2 техногеннай баһаар тахсыбытын умуруордулар, биир киһи эчэйдэ диэн СӨ Борокуратуурата иһитиннэрэр.