Суукка иһигэр 8 буруйу оҥоруу түбэлтэтэ бэлиэтэннэ

Ааспыт сууккаҕа өрөспүүбүлүкэ иһигэр 8 буруйу оҥоруу түбэлтэтэ бэлиэтэннэ.

Дьокуускай куоракка уонна Хаҥалас улууһугар киһиэхэ эт-хаан улахан эчэйиитин оҥоруу туһунан икки иһитиннэрии киирдэ.

Хаҥалас улууһун Ой сэлиэнньэтигэр эр киһи күлүгээннээн салгыҥҥа саанан ытыалаабытын туһунан үҥсүү киирдэ, буруйдаах тутулунна.

Дьокуускай куоракка күүһүлээһиҥҥэ сананыы туһунан үҥсүү киирдэ.

Мэҥэ Хаҥалас улууһун Майатыгар бэлэсипиэди, оттон Нерюнгрига дьахтары албыннааннар 100 тыһыынча солк. уордулар.

Өрөспүүбүлүкэ киин куоратыгар наркотик, оттон Нерюнгрига докумуона суох атыыламмыт арыгы бородууксуйата былдьанна.

Сунтаар улууһун Тэҥкэ сэлиэнньэтиттэн 5 км тэйиччи Бүлүү өрүскэ балыктыы сылдьан сүппүт, 1980 с.т. эр киһи өлүгэ булулунна.

Суукка иһигэр 8 техногеннай баһаар таҕыста, өлбүт, эчэйбит киһи суох.

Киһи өлүүлээх суол быһылаана тахсыбыта бэлиэтэммэтэ диэн иһитиннэрэр Саха Өрөспүүбүлүкэтин Борокуратуурата.