Суукка иһигэр араас улуустарга үс дьиэҕэ баһаар буолла

Саха сиригэр ааспыт сууккаҕа алта буруйу оҥоруу тахсыбытын туһунан СӨ дьуһуурунай борокуруора иһитиннэрэр.

Дьокуускайга 1980 с.т. эр киһи доруобуйатын улаханнык эчэппиттэр. Мэҥэ Хаҥалас улууһун Томтор сэлиэнньэтигэр 1976 с.т. эр киһини быһаҕынан аспыттар. Уорбаланааччыны быһаарбыттар.

Дьокуускайга 1960 с.т. эр киһи түөкүттэргэ 700 тыһ.солк. албыннаппыт. Итиэннэ киин куоракка наркотигынан сокуоннайа суохтук эргиммиттэрэ биллибит. Нам улууһугар арыгынан сокуоннайа суохтук эргиммиттэрэ, сымыйа бэлиэлээх суоппар быраабынан туһаммыттара биллибит.

Дьокуускайга Лесная уул. биир этээстээх мас дьиэ умайбыт. Уот 120 кв.м. ылбыт. 1954 с.т. эр киһи үгээрдээн балыыһаҕа киирбит.

Булуҥ улууһун Тиксии бөһүөлэгэр Гагарин уул. баар дьиэҕэ кыбартыыра умайбыт. Уот 15 кв.м. ылбыт. 1952 с.т. эр киһи илиитин уонна атаҕын уокка сиэтэн, балыыһаҕа киллэриллибит.

Сунтаар улууһун Тойбохой сэлиэнньэтигэр Партизанскай уул. чааһынай дьиэ умайбыт. Ол түмүгэр 2019 с.т. оҕо суорума суолламмыт, 1994 с.т. эр киһи балыыһаҕа киллэриллибит.

Киһи өлүүлээх суол саахала бэлиэтэммэтэх.

Суукка иһигэр итирик туруктаах сэттэ суоппары туппуттар.