Суукка устата буруйу оҥоруу 11 түбэлтэтэ бэлиэтэннэ

Ааспыт сууккаҕа Саха сиригэр 11  буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Мииринэй Арыылааҕар  1982 сыллаах төрүөх эр киһи түөһүгэр ытыллан балыыһаҕа киирдэ.

Дьокуускай куорат түөрт олохтооҕуттан  уопсайа 4,7 мөл. солк. харчыларын түөкүттэр албыннаан уордулар. Кинилэргэ сымыйа  ФСБ, Киин баан, биэнсийэ пуондатын, сибээс операторын аатыттан эрийбиттэр.

Киин куоракка, Мэҥэ Хаҥаласка  арыгы иһэн баран хат уруулга олорбут суоппардар тутулуннулар.

Дьокуускай куоракка Хатыҥ Үрэх шоссетыгар   1990 с.т. суоппар суолу туораан испит  1967  с.т. дьахтары түҥнэри көппүт. Дьахтар улахан эчэйиини ылан өлбүт.