Сахагов
Чугастааҕы икки-үс суукка иһинэн өрүс Ленскэй куорат таһыгар арыллара күүтүллэр, ити 1-4 суукканан урукку сыллардааҕар эрдэлээн.
Өлүөнэ өрүскэ муус барыытын алын кирбиитэ Крестовскай гидропуоһуттан 11 км аллараа бэлиэтэнэр, уу таһыма 702 см (ыксаллаах таһым 1417 см), муус ортотук устар. Үөһээ кирбиитэ – Иркутскай уобалаһын Киренскэй оройуонун Визирнэй бөһүөлэгиттэн 70 км аллараа. Бу туһунан эрэгийиэннээҕи ЫБММ иһитиннэрэр.
Пеледуй таһыгар уу таһыма 350 см тэҥнэһэр (ыксаллаах таһым 1200 см), муус бытааннык устар. Ленскэй таһыгар уу таһыма 178 см тэҥнэһэр (критическэй таһым 1410 см). Чугастааҕы икки-үс суукка иһинэн Ленскэй куорат таһыгар өрүс аһыллыа, ити 1-4 суукканан эрдэ.
Өлүөхүмэ өрүскэ муус барыыта көхтөөхтүк Өлүөхүмэ оройуонугар бэлиэтэнэр. Киэһэ ыам ыйын 5 күнүгэр Дьиикимдэ гидропуос таһынан муус барыыта саҕаланна, уу таһыма 678 см тэҥнэһэр. Муус хойуутук устар. Куду Күөл гидропуос таһыгар уу таһыма 283 см.
Алдан өрүскэ Уус Маайа оройуонун сиригэр-уотугар муус көхтөөхтүк устар. Муус барыытын уһуна 128 км, суукка устата баччаны барда. Онон бу оройуон сиринэн-уотунан чугастааҕы биир-икки суукка устата муус барыаҕа.
Амма өрүскэ муус Амма уонна Чурапчы оройуоннарынан устар. Муус барыытын алын кирбиитэ Мындаҕаайы сэл. 10 км аллараа бэлиэтэнэр, уу таһыма – 476 см. Амма сэл. таһыгар уу таһыма 400 см (ыксалаах таһым 925 см).Үөһээ кытыыта – Өнньүөстэн 7 км аллараа. Муус барыытын уһуна 265 км тэҥнэһэр.
Бүлүү өрүскэ муустаах.
Бэс Күөлэ сэл. таһынан Дьүктүөнэ үрэххэ уу таһыма ыксаллаах бэлиэттэн намыһах. Дьиэлэри уу ылбатах.
Хоту уонна хотугулуу-илин өрүстэргэ кыһыҥҥылыы сытар.
Ыам ыйын 6 күнүгэр Ленскэй уонна Өлүөхүмэ оройуоннарыгар көтө сылдьан кэтээн көрүөхтэрэ. Ону тэҥэ бөлөхтөр БАС систиэмэтин уонна космостан кэтээн көрүүнү туһаналлар диэн Арассыыйа ЫБММ СӨ Кылаабынай управлениетын начаалынньыга Павел Гарин эттэ.
Алтынньы 17 күнүгэр Алгыстаах Арчы Дьиэтигэр Саха Өрөспүүбүлэкэтигэр Ийэлэр, Арассыыйаҕа Аҕалар күннэригэр "Ийэ, аҕа тапталынан"…
Арассыыйаҕа чугастааҕы 5-10 сылынан дрону улахана суох таһаҕаһы, буостаны уонна маркетплейс нөҥүө сакааһы тириэрдиигэ туһаныллыаҕа…
Үөһээ Бүлүү улууһун суута Холуобунай кодекс 158 ыст. 3 ч., “г” п. (баан каартатыттан харчы…
“Эн тугу аһыыгын да, оннук буолаҕын” диэн нуучча өһүн хоһооно баар. Кырдьык, киһи химическэй эттиктэр…
Варвара Сергеевна Иванова-Зверева салайааччылаах СӨ бэтэрээн педагогтарын Сэбиэтин дэлэгээссийэтэ Н.И. Шарин аатынан киин куорат 39…
Хаҥалас улууһун Дьэр уонна Өктөм нэһилиэктэрин икки ардыгар 72 тыһ. кв.м. иэннээх сиргэ Истээх Быраан…