Суукка устата өссө 4 ойуур баһаарын умуруорбуттар

Ааспыт сууккаҕа Саха сиригэр өссө 4 ойуур баһаарын умуруорбуттар. Ити туһунан атырдьах ыйын 29 күнүнээҕи брифиҥҥэ Экология, айылҕаны туһаныы уонна ойуур хаһаайыстыбатын миниистирин солбуйааччы Андрей Коноплев иһитиннэрдэ.

Баһаары Үөһээ Бүлүү, Бүлүү, Кэбээйи уонна Өлүөхүмэ улуустарыгар умуруорбуттар. Бүлүү уонна Өлүөхүмэ улуустарын сиригэр баар 3 баһаары бохсубуттар.

Суукка саҕаланыыта 10 улууска 22 ойуур уонна 1 айылҕа баһаара баара биллэр. Баһаары умуруорууга барыта 587 киһи, 39 тиэхиньикэ үлэлиир.

Санатан эттэххэ, Саха сиригэр федеральнай уонна эрэгийиэн суолталаах сирдэргэ ыксаллаах быһыы-майгы эрэсиимэ салгыы үлэлиир.

Улуус таһымнаах ыксаллаах быһыы-майгы эрэсиимэ Бүлүү, Дьааҥы, Үөһээ Бүлүү, Сунтаар уонна Өлүөхүмэ улуустарыгар турар.

Ил Дархан уонна Бырабыыталыстыба пресс-сулууспата.