Хаартыска: sakha.gov.ru
Саха сиригэр ааспыт суукка устата Абый, Муома, Томпо улуустарыгар 0,3 га иэннээх биир ойуур уонна 9 га иэннээх икки айылҕа баһаардарын умулларбыттар. Ити туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев брифинг кэмигэр иһитиннэрдэ.
Ону кытта Муома, Томпо улуустарыгар 526 га иэннээх ойуур үс уонна 9 га иэннээх айылҕа икки саҥа баһаардара бэлиэтэммиттэр.
Ыам ыйын 28 күнэ саҕаланыытыгар өрөспүүбүлүкэҕэ Ленскэй, Муома, Нерюнгри, Томпо, Эбээн Бытантай улуустарыгар 1225 га иэннээх ойуур 8 баһаара, ону тэҥэ, Муома улууһугар 4 га иэннээх 1 айылҕа баһаара баара бэлиэтэнэр.
Баһаары умулларыыга 84 киһи, 2 тиэхиньикэ үлэлиир.
Баһаары утары ураты эрэсиим Дьааҥы улууһун, Жатай уонна Дьокуускай куораттааҕы уокуруктарга биллэриллэн тураллар. Баһаар сүрүн төрүөтүнэн дьон дьалаҕай сыһыана буолар.
“Онон сибээстээн дьон ойуурга уоту тутталларыгар сэрэхтээх буолалларыгар уонна айылҕаҕа тахсартан туттуналларыгар ыҥырабын” – диэн Коноплев эттэ.
Бу туһунан Ил Дархан уонна Бырабыыталыстыба пресс-сулууспата суруйар.
Саха сиригэр ыам ыйын 31 күнүгэр Дьааҥы, Муома, Нерюнгри, Өймөкөөн, Томпо, Уус Алдан, Уус Маайа…
Саха сирин сүүмэрдэммит хамаандатын тустууга Альберт Петров кулгаахтарынан мөлтөхтүк истэр спортсменнар ортолоругар көҥүл тустууга Арассыыйа…
Амма улууһугар Мадьыны ыһыаҕын чэрчитинэн мас тардыһыыга норуоттар икки ардыларынааҕы турнир саҕаланна. Күрэхтэһиигэ сүүсчэкэ спортсментан…
Өлүөхүмэ оройуонун Троицкай нэһилиэгэр быйыл Саха сиригэр Ийэ дойдуну көмүскээччи уонна Улуу Кыайыы 80 үбүлүөйдээх…
Бэс ыйыттан дойдуга уонна өрөспүүбүлүкэҕэ саҥа сокуоннар — саҥа быраабылалар олоххо киириэхтэрэ. Ол иһигэр олохтоох салайыныы…
Өлүөнэ, Дьааҥы, Индигиир, Халыма, Өлөөн, Алазея өрүстэригэр муус ааһара бэлиэтэнэр. Өлүөнэ өрүскэ муус алын кырыыта…